Kunnu tey hvítu í Suðurafrika vænta fólkadráp?
Tjóðartingið í Cape Town viðger broytingaruppskot í Suðurafrikansku grund-lógini, ið ANC-stjórnin hevur lagt fram, til at tjóðartøk jørð uttan endurgjald.
Fólk við minstra dropa av skili síggja, at SA nú fer somu leið sum Zimbabwe, ið rak 4.000 hvítar bøndur av gørðunum, so landið broyttist frá “breyðkurv” til “biddaraskál” í Afrika við samanbroti, hyperinflatión, hungur og halli til fylgju.
Eftir meirilutastýri í SA kom ein “Truth and Reconciliation Commission” við frægastu umboðum fyri báðar partar til ta niðurstøða, at “apartheid” við stríði millum hvítt stjórnarvald og ANC kostaði íalt 5.000 mannalív frá 1948-1991.
Síðan 1994, tá Mandela skipaði stjórn, hava svartir dripið 3-4.000 hvítar bóndafólk við alskyns vápnum eftir hópneyðtøkur og píning. Suðurafrikanska løgreglan vendur blindu lið til, so bert 5-10% verða uppklárað. Offrini fyri hesum bestialsku lystmorðum eru jú bara hvít bóndahúski, gomlu og børn.
Vinstrahallir Vesturlendingar yppa øksl og siga: Uppgerðartímin er komin, fast taki tykkum, nú svørt løna tykkum fyrr hvítu harrum aldarlanga kúging aftur.
40.000 hvítir bøndur eiga enn helvt av landbúnarjørðini í SA. Hin helmingin hava svartir bøndur og felagskapir keypt ella fingið tillutað frá stjórnini. Fleiri túsund garðar (hjá hvítum) eru eisini til sølu sum vant til tann, ið vil keypa.
Men infrakervið, vegir, vatnleiðingar o.a. veitingar, er versnað síðan 1994. Nú hvítir bøndur mugu víðgirða og vápna seg, minkar avgrøðin. Hetta var júst tað, Mandela ávaraði ímóti, tí minni matframleiðsla rakar tey svørtu meinast.
ANC hevur júst skift formann og Suðurafrika tískil fingið nýggjan forseta, Cyril Ramaphosa, fyrr fakfelagsbossur og nú fleirmiljardingur. ANC hevur sum ZANLU, flokkurin hjá Mugabe í Zimbabwe, í áravís lovað svørtum at fáa jørð.
Nú hevur ein nýggjur flokkur, EFF, við Julius Malema á odda, fingið viðgongd í SA. Malema hóttir við at “drepa boarar” (bøndur), tá EFF fær valdið.
Vestanlond vilja ikki taka ímóti hvítum flóttum úr SA, tí tað er rasistiskt. (Rasisma vendir bert annan vegin – ímóti hvítum). Men Donald Trump ávarar SA ímóti at drepa fólk (eisini hvít), so Ramaphosa ivast at tjóðartaka jørðina. Útlendskir íleggjarar aftra seg, og búskapinum í SA tørvar desperat íløgur frá Asia og Vestanlondum, um hann skal yvirliva. Tey svørtu klára tað ikki sjálvi.
Mest lisið í farnu viku
Samband
Heygsvegur 8
490 Strendur