Høvuðsorsøkin til at familjurættarmálsøkið skal flytast er, at nýstovnaða Familjufyrisitingin annars hevði umboða økir hoyrandi bæði til Heilsu- og Innlendismálaráðið og Almannaráðið. Og, tá ein stovnur hevur tvey landsstýrisfólk at vísa til kunnu mótstríðandi áhugamál verða hjá landsstýrisfólkum. Tað sigur Aksel V. Johannesen, løgmaður m.a. í útvarpssendingini Rák. 

Síðani tað kom fram, at løgmaður ætlar at flyta nýyvirtikna familjurættarøkið frá Heilsu- og Innlendismálaráðnum til Almannamálaráðið, hava atfinningar verið um hesa avgerð - frá Sonju Jógvansdóttir, uttanflokkatingkvinnu, og frá einum netverki av fólki, sum eru rakt av væntandi føroyskari lóggávu innan familjurættarøkið, og frá miðlum, sum hava fingið innlit í málið. 

Annika Bolton Mortensen tosar við Aksel V. Johannesen, løgmann, um hesar ákærir.