John William Joensen, heilsar leiðsluni hjá KÍ. Tað er í samband við KÍ - HB dystin, sum er í dag, at hansara hugleiðingar fara aftur í tíðina. Í greinini skrivar nógv áhugavert. Vit hava brotpartar her. 

Tá var støðan í Klaksvík álvarslig. 
 
Í 1986 tá eg fyrstuferð var partur av fremsta liðnum hjá KÍ, vóru umstøðurnar í Klaksvík hjá fótbóltinum millum tær bestu í landinum. Men eftir at bygdafeløgini høvdu havt valdi í FSF frá 1979, tá FSF var sett á stovn, fram til Torleif Sigurðsson, sáli, legði frá sær í 2002, gekk stutt tíð til feløgini í Havn fingu ræði og føroyskur fótbóltur avgjørdi, at leggja allar inntøkurnar frá altjóða fótbóltinum í Gundadali og savnað alt virsemið hjá føroyskum fótbólti á einum stað. 
 
Vit kunnu bara staðfesta at síðan 2002 hava Havnafeløgini vunnið 11 av 16 FM meðan frá 2001 og aftur til 1986, tá mín árgangur spældi í fremstu deildini, vunnu Havnafeløgini einans 5 av 16 meistaraheitum.

Vit hava ilt í KÍ í løtuni, ti eydnan ikki er við okkum í løtuni.
 
Eg haldi at vit heldur eiga at standa saman við venjara og leiðslu KÍ’s og tað grundi eg serliga á tað megnar arbeiði sum tit hava gjørt seinastu árini.
 
Fyrsti dysturin nú er HB í Klaksvík og hettar er eitt gott høvið at vit sum áskoðarar, felag og leiðsla reisa okkum aftur og saman lyfta KÍ aftur í sigurstólin.
 
Góði Mikkjal & Co.
 
Vælsignaðir  - hølvi HB av!
 
Vinarliga
John William Joensen
KÍari             

Øll greini kann lesast her https://nordlysid.fo/tidindi/56300/godu-mikkjal-og-tummas