Fólk frá Havstovuni gjørt kanningar á Landgrunninum
Høvuðsendamálið við túrinum var at fáa til vega tilfar, ið skal nýtast í stovnsmetingunum av toski, hýsu og upsa, t.e. veiða í vekt og í tali, longdarbýti, vektbýti, aldursbýti, kynsbýti og kynsbúning av nevndu sløgum.
Umframt varð vekt, tal og longdarbýti skrásett fyri øll fiskasløg, ið vórðu veidd. Eisini vórðu magakanningar gjørdar av toski, hýsu og upsa, umframt av øðrum fiskasløgum.
Hitin í sjónum varð máldur við miniloggarum. Reiðskapur: 116 fóts kassatrol við 40 mm meskum í posanum. Steinham lemmar. Breitlar 60 og 120 m. Um túrin: Fóru av Havnini hóskvøldið 16. august kl. 22.
Vit byrjaðu suðuri á Munkagrunninum og tóku støðirnar vestan fyri Føroyar. Tilsamans vórðu 76 hál tikin, og av teimum vóru 74 góðkend. Av misgáum varð ein støð sunnan fyri Mykines tikin á hesum túrinum, sum eisini varð tikin á síðsta túri. Harvið vóru 201 støðir tiknar tilsamans á yvirlitstrolingini á føroyska landgrunninum í august í ár.
Vit landaðu í Havn fríggjamorguni 24. august. Veðrið var ógvuliga gott allan túrin. Úrslitið og øll kanningin liggur á havstovan.fo
Mest lisið í farnu viku
Samband
Heygsvegur 8
490 Strendur