Veðurlagið:

Í dag og í morgin fara fleiri brúgvaløg framvið Føroyum og seinni fáa vit kalt luftrák av vestri og ælaveður.

Veðurvánirnar:

Vindurin veksur til andøvsgul til strúk í vindi av útsynningi, 8 til 13 m/s. Í kvøld verður onkrastaðni hvassur vindur, 15 m/s. Tað verður fyrst skiftandi skýloft og einstøk æl, men seinni verður skýggjað og regn. Hitin fer at liggja millum 7 og 10 stig, í nátt verður kaldari, millum 4 og 8 stig.

Verðrið í morgin:

Vindurin veksur til frískan vind til hvassan vind av suðri og útsynningi, 10 til 15 m/s. Seinnapartin snarar ættin í vestan og vindurin veksur til strúk í vindi til skrið, 13 til 18 m/s við hørðum hvirlum. Tað verður skýggjað og sum frá líður regn. Seint um kvøldið verður klárari, tó ælaveður. Hitin fer alt samdøgrið at liggja um 9 stig.

Veðrið mikudagin:

Vindurin minkar niður í gul til frískan vind av vestri, 5 til 10 m/s. Hósnáttina minkar vindurin til lot til andøvsgul av útnyrðingi, 3 til 8 m/s. Tað verður skiftandi skýloft og nakað av sól ella sólglottar, men eisini einstøk æl. Hitin um dagin fer at liggja um 9 stig, um náttina millum 5 og 8 stig.