Á nevndarfundi í Betri P/F í gjárkvøldi avgjørdi nevndin at siga forstjóran í Betri P/F, Ben Arabo, úr starvi. Orsøkin til uppsøgnina er samstarvstrupulleikar innanhýsis í samtakinum.

Evy J. Jacobsen, vinnukundaleiðari í Betri Banka, er fyribils sett sum forstjóri í Betri P/F, inntil nýggjur forstjóri er funnin.

Á nevndarfundinum valdi næstformaðurin í nevndini, Teitur Poulsen, at taka seg úr nevndini. Orsøkin var ósemja um avgerðina at koyra stjóran. Í hansara stað varð Gunn Danielsen vald. skrivar heimasíðan betri.fo