Rudda Føroyar er komið við einum samandrátti og við hagtølum frá altjóða ruddingardegnum, sum var tann 15. september. 

Í alt vóru 50 ruddingar kring landið hendan dag. Rudda varð í Vágum, Norðoyggjum, Nólsoy, Suðurstreymoy, Skopun, Funningsfirði, Norðursuðuroy, Suðursuðuroy og Norðureysturoy.

Heili 22,1 tons av ruski vórðu savnað inn og burturbeind. Í Vágum varð ruddað 746 kg. Í Norðoyggjum varð ruddað 497 kg. Í Nólsoy varð ruddað 501 kg. Í Suðurstreymoy varð rudddað 3.100 kg/3,1 tons. Í Skopun varð ruddað 360 kg. Í Norðursuðuroy varð ruddað 550 kg. Í Suðursuðuroy varð ruskið ikki vigað. Í Norðureysturoy varð ruddað 2.439 kg./2,439 tons. Í Funningsfirði varð ruddað heili 13.950 kg./13,95 tons.

Tilsamans 1604 fólk ruddaðu. Harav vóru 30 feløg tilmeldað – ella 1076 fólk
Sambært Rudda Føroyar vóru 528 einstaklingar tilmeldaðir og 90,2 % av teimum, ið tilmeldaðu seg sum einstaklingar ella húski, vóru kvinnur - 184 kvinnur meldaðu seg sjálvar ella húski sítt til og 20 menn meldaðu seg sjálvar ella húski sítt til 
Rudda Føroyar viðmerkir á facebook vanga sínum, at býtið millum menn og kvinnur byggir á tilmeldingar, ikki hvør møtti upp á degnum. Tó vóna tey at síggja fleiri menn næsta ár.