Veðurlagið:

Kalt luftrák við ælaveðri streymar inn yvir Føroyar vestaneftir. Í nátt fer eitt lágtrýst framvið sunnanfyri, og tilhoyrandi brúgvalagið gevur meira regn um okkara leiðir. Seinni kemur ein hátrýstryggur framvið, og hann gevur eitt stutt skifti støðugari veður.

Veðurvánirnar:

Andøvsgul til strúk í vind av vestri, 8 til 13 m/s, sum út á dagin minkar til gul til frískan vind, 5 til 10 m/s. Tað verður møguleiki fyri sólglottum og einstøkum ælum. Hitin fer at liggja um 10 stig. Í nátt verður gul til frískan vind av vestri og útnyrðingi, 5 til 10 m/s. Tað verður skýggjað fyri tað mesta og samregn. Hitin í nátt fer at liggja millum 6 og 9 stig.

Veðrið hósdagin:

Gul til frískan vind av vestri og útnyrðingi, 5 til 10 m/s, onkrastaðni strúkur í vindi, 13 m/s. Fyrst verður skýggjað og regn, men tað klárnar við sólglottum og ælum. Hitin fer at liggja um 8 stig. Fríggjanáttina verður gul til frískan vind av útnyrðingi og vestri, 5 til 10 m/s. Tað verður turt, og sum frá líður verður meira skýggjað. Hitin fer at liggja millum 5 og 9 stig.

Veðrið fríggjadagin:

Gul til frískan vind av vestri og útnyrðingi, 5 til 10 m/s, sum út á dagin spakuliga veksur til frískan vind til hvassan vind, 10 til 15 m/s, og ættin snarar í útsynning og vestan. Tað verður skýggjað fyri tað mesta og eitt skifti fer at regna, men móti náttini klárnar nakað, tó verður ælaveður. Hitin fer alt samdøgrið at liggja millum 8 og 10 stig.