Uttan mun til, hvussu nógv danskir politikarar siga seg vilja tátta og herða útlendingapolitikkin, so tynnist út í danska partinum av fólki Danmarkar.

Gamli Holgar danski situr enn fram á svørðið og snorksvevur á Krúnborg slotti, meðan tað tynnist í dana skara. Danir verða sum evropear erstattaðir av útlendingum við villfremmandum máli og mentan, alt ætlað til hertøku.

Í fjør fingu tilfluttar muslimskar kvinnur 5. hvørt barn í Danmark, hóast tær áttu bert at fingið 12. hvørt barn. Altso fáa tær 20% og ikki 8% av øllum børnum.

Tað merkir, at dupult so nógv børn fødd í Danmark hava muslimsk foreldur, sum børn fødd av donskum foreldrum. Har er munur á kvinnum. Men tær muslimsku arbeiða heima, har tær føða og passa børn og tosa arabiskt.

Nú telja muslimskar kvinnur 16-45 ár 12,4% av øllum kvinnum í hesum burðarføra aldurbólki, dupult so nógvar sum danskar kvinnur í Danmark.

Talið á sýriskum kvinnum í Danmark er 6-faldað úr 3.283 í 2013 upp í 20.706 í 2017. Í hesum 3-ára skeiði fingu 17.819 sýrar politiskt friðskjól í DK.

Eftir bert 25 árum hava nærum 200.000 “flóttar” og tilflytarar aftrat fingið stats-borgaraskap í Danmark. Hetta mest úrslit av Mastrich-sáttmálanum í 1993.

Danmarks statistik sigur, at talið á muslimskum tilflytarum var gott 150.000 í 1993, men í dag telja tey nærum 500.000.

Seinastu 5 árini eru 20.000 familjusamanføringar farnar fram í Danmark, tey flestu islamar. 1 islamur nørist til 20 íslamar eftir 20 árum við ketu-tilflyting.

Síðan 2013 búgva 50.000 fleiri flóttafamiljur í Danmark. Tann danska Korte Avis vísir á, at í eini týskari meiningakanning svara 91% av teim spurdu, at Týskland klárar ikki fleiri tilflytarar, ikki 1 fleiri, familjusamanførd ella onnur.

Tað skrivar Die Welt, og Den Korte Avis er sannførd um, at 90% av dønum eisini høvdu kravt, at floymurin av útlendingum inn í Danmark má steðga. Okkurt bendir á, at nakrir danskir politikarar síggja skrivtina á vegginum.

Hinvegin ivast avísin í, um tann ætlaða táttingin í útlendingapolitikkinum ikki eru tær beru lótir, ið skulu tøla veljarar nú, skjótt bert hálvt ár fyri valið.