Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Kringvarp Føroya skal hava tvær redaktiónir uttan fyri Havnina

Innanlands, Lesarabrøv, Politikkur | 12/10-2018 12:37

Kringvarp Føroya í tríggjar redaktiónir.

Skal Kringvarp Føroya yvirliva sum tjóðarrásin fyri allar føroyingar, so má hesin almenni stovnurin leggjast grundleggjandi um, tí tað er sjón fyri søgn, at KvF bæði savnar sín tíðindaflutning meir og meir á høvuðstaðin, heldur enn hjá føroyingum sum heild.

Frá heilt ungum av havi eg verið áhugaður í samfelagsviðurskiftum og havi tí altíð fylgt væl við í
teimum tíðindum, sum borin verða her á landi, og ikki minst hevur tíðindaflutningurin hjá Kringvarpi

Føroya mín stóra áhuga.
Sera nógv av tí, sum KvF borðreiðir við er avbera gott, men hesi seinnu árini havi eg týðiliga merkt
eina gongd, sum er ógvuliga ódámlig fyri ein stovn, hvørs uppgáva er at vera tjóðarrás hjá øllum
føroyingum, bæði teimum, sum búgva í høvuðsstaðnum, og teimum, sum búgva aðrastaðni.

Fyri at siga sum er, so er tað blivið sjón fyri søgn, at KvF bæði savnar sín tíðindaflutning meir og meir
um høvuðsstaðin, og tjóðarrásin lýsir eisini flestu mál úr sjónarhorninum hjá havnarborgarum heldur
enn hjá føroyingum sum heild.

Sagt á ein mein beinleiðis hátt, so er Kringvarp Føroya hesi seinastu árini blivið meir og meir havna-
lokalt í sínum tíðindaflutningi, har fokus’ið tíverri meir er býurin Tórshavn enn tjóðin Føroyar. Tað
verður stutt sagt gjørdur mismunur millum okkum knapt 30.000, sum búgva uttan fyri høvuðsstaðin,
og stívliga 20.000, sum búgva í høvuðsstaðnum.

Tey, sum búgva og liva í Havn, síggja hetta kanska ikki, tað skilji eg eisini væl og onki ilt um tað, men
vit, sum búgva uttanfyri høvuðstaðin, mugu tíverri staðfesta, at fleiri av okkum, sum eru føroyingar,
men ikki havnarborgarar, kenna okkum ikki nóg væl umboðað av tí tíðindaflutningi og tí hugburði til
samfelagsmál, sum KvF borðreiðir við, tíverri. Tað hendir sanniliga nógv runt um í øllum landinum.

Hesin kritikkur er ikki vendur móti havnaborgarum, als ikki, men móti KvF, ” Tjóðrás okkara”
Eg ivist ikki í, at bæði stýri, leiðsla og starvsfólk á KvF, sum samanlagt telja umleið 100 persónar,
ynskja at umboða allar føroyingar í sínum tíðindaflutningi, men eg er samstundis púra sannførdur
um, at hetta ikki verður broytt soleingi vit halda fram at lata KvF hava eina sentrala redaktión í
høvuðsstaðnum, tí tað er nú einaferð so, at har sum heim títt er, har verður hjartað eisini.

Tí vil eg staðiliga mæla til, at teir politisku flokkar, sum eftir komandi løgtingsval fara til samráðingar
um nýggja landsstýrissamgongu, taka tað við í samgonguskjalið, at tað verður felt niður í
kringvarpslógina, at Kringvarp Føroya, umframt høvuðssætið í Havn, skal hava tvær redaktiónir
afturat við 5-8 starvsfólkum í hvørjari, t.d. eina í Klaksvík, ella her um leiðir og eina í Suðuroy, hetta
fyri at geva tjóðarrás okkara alra føroyinga eitt breiðari fólksligt grundarlag. Harvið fáa vit eitt enn
betri og víttfevnandi Kringvarp Føroya.
Keypmannahavn, 8. oktober 2018

Steinbjørn O. Jacobsen, býráðslimur í Klaksvíkar býráð

 


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Birgir Waag Høgnesen
Mest lisið í farnu viku
Borgar­stjó­rin í Runavíkar býráð er ikki Tórbjørn Jacobsen á Glyvrum, hetta sigur Tobbi við R7
Jógvan Páll Lassen: Lat SEV selja bensin og olju
Eiga at halda fast við tálmandi rúsdrekka­politikkin
Metis - Øll sendingin - 04. desember 2018
Sonni hevur Volvo "virus "
Kleptoman-landskassi
Rák (27) Damudomi um sexismu í almanna rúminum
"Kom á 2069!" (42) - 7. des 2018
Glasir!
Nýtt virksemi í turkihúsi­num í Vági
Tvístøða (49) - "Mín besti vinmaður hevur kvett sambandi við meg!"
Fuglafjarðarsendingin (14) - 06. des. 2018
Her verða allar gátur loystar
Dýrir dreingir í Hoyvíkshaga
Tvístøða (49) - Øll sendingin
Novembervitjan í Suðuroy - møtir og bíbliuskeið
Tvístøða (49) - "Eingin hevur ábyrgdina av teimum, ið ikki finna bústað!"
Tíðindi klokkan 12
Janus Rein og Brandur Ellingsgaard: Nýtt advokat­felag byrjar í Føroyum
Heilsustøðan hjá Anne Graham Lotz - ferðin gjøgnum Skuggadalin longri enn væntað!
NOVA úr Suðuroynni (33) - 10. des 2018
Kristilig Tíðindi (77) - Kristiliga tíðindasendingin við Poul Jóhan Djurhuus
Tíðindi klokkan 17:00
Sølutiltak hjá Leirkeri­num - fleiri enn 100 bøkur!
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi