Eingin makrelur í Føroyskum sjógvi
Pelagisku skipini hava higartil í ár avreitt fyri 996 milliónir. Seinast ár avreiddu pelagisku skipini fyri 1,526 millardir. Tað er sannlíkt at avreiðingarvirðið í ár verður nógv lægri enn í fjør
Skipini siga, at ongin makrelur er í Føroyskum sjógvi. Tað er tí ein vandi fyri at vit ikki fara at fiska okkara kvotu í ár. Somuleiðis eru samráðingar um makrel við hini strandalondini. Tað kann verða trupult hjá okkum at fáa semju, tí hini londini hava tíð at bíða meðan vit hava brúk fyri atgongd til ES sjógv fyrst í árinum.
Tað kann sjálvandi henda, at skipini, sum leita finna makrel. Men sum støðan er í løtuni, so siga skipini, at tað má roknast við, at eini 20.000 tons av makrelkvotuni ikki verða fiskaði í ár.
Tølini hjá Vørn vísa, at avreiðingarvirði er á leið tað sama higartil sum í fjør. Men tað eru útlitini fyri restina av árinum, sum eru vánalig. Higartil hava vit fiska 50.000 tons av makreli og 9.000 tons av sild.
Útlitini eru ikki góð. Tað merkist í ávísum kommunukassum sum er. Men tað gerst lítið annað enn at vóna at tað verður betri.
Mest lisið í farnu viku
Samband
Heygsvegur 8
490 Strendur