At lata Almannaverkinum fleiri íbúðir loysir sjálvandi nakað
Kvøldsins innslag í D&V um bústaðarmarknaðin var áhugavert upp á nógvar mátar. Men tá boðskapurin hjá stjóranum í Bústaðir gjørdist yvirskriftin, hóast boðskapurin er faktuelt skeivur, má man tala at. skrivar Johnny í Grótinum á facebook vanga sínum í gjárkvøldið
FAKTA:
At lata Almannaverkinum fleiri íbúðir loysir sjálvandi nakað
Kvøldsins innslag í D&V um bústaðarmarknaðin var áhugavert upp á nógvar mátar. Men tá boðskapurin hjá stjóranum í Bústaðir gjørdist yvirskriftin, hóast boðskapurin er faktuelt skeivur, má man tala at.
Hugskotið hjá Eydgunn Samuelsen er at økja um talið av íbúðum, sum Bústaðir skal lata til Almannaverkið, frá fimti hvørja til fjórðu hvørja íbúð. Hetta fyri at loysa bráðfeingistørvin á leiguíbúðum hjá veikastu borgarum landsins.
Til hetta svaraði stjórin í Bústøðum soleiðis:
"Vit skilja ynskið, og vit hava eitt gott samstarv við Almannaverkið. Tað er eitt samstarv, sum fungerar væl, og fólk sum hava ein serligan tørv, hava ein møguleika at koma framum handan vegin. Men samstundis hava vit ein bíðilista við yvir 2000 fólkum, sum eisini ynskja sær íbúð so skjótt sum gjørligt.
So alt annað líka, tekur tú frá einum bólki, so gongur tað útyvir ein annan bólk. So okkara ynski er, at man heldur framskundar nøkur byggjaríir, og kanska eisini gevur Bústaðir uppaftur betri møguleika at virka so skjótt og gott sum gjørligt."
Boðskapin hjá stjóranum uppsummerar journalisturin rættiliga beinrakið í yvirskriftini: "At Bústaðir skal lata Almannaverkinum fleiri íbúðir loysir einki - tað leingir bara bíðilistan". Men tað er jú faktuelt skeivt.
Eftir ætlan skal Bústaðir byggja áleið 250 íbúðir komandi 3-4 árini. Við verandi áseting skulu 50 av hesum íbúðum latast Almannaverkinum at ráða yvir, so borgarar við sosialum tørvi fáa tak yvir høvdi. Verður uppskotið hjá Eyðgunn framt í verki, fær Almannaverkið 13 íbúðir fleiri at ráða yvir. Sostatt fáa 13 fleiri húskir ella borgarar skjótari bráðfeingishjálp.
So jú, tað loysir nakað at lata Almannaverkinum fleiri íbúðir. Sjálvandi. Og er sosiali tørvurin enn størri, eigur myndugleikin at áleggja Bústaðir at lata Almannaverkinum enn fleiri leiguíbúðir. Tá hevur Bústaðir eitt alment gagnligt endamál.
Mest lisið í farnu viku
Samband
Heygsvegur 8
490 Strendur