Líggjas Johannesen: Hvar eru pengarnir brúktir?
Hóast landskassin hevur fingið 40 ferðir 25 mió. krónur í tilfeingis- og aligjøldum, so eru sjúklingar ikki slopnir til viðgerð uttanlands.
“Soleiðis hava hesir búskapafrøðinganir roynt at manipulera fólk.” Tað skrivar Líggjas Johannesen, skipari á Klakki, í eini bersøgnari viðmerking á facebook. Hann vísir til eina aðra viðmerking á facebook, har búskaparfrøðingurin Hermann Oskarsson, fyri nøkrum árum síðani skrivaði soleiðis:
“Longu nú, ið royndaruppboðssølan 2016 bara so smátt er byrjað, hevur hon longu fingið so mikið inn í kassan, at tað klárar at fíggja alt uppihald hjá føroyskum sjúklingum í viðgerð uttanlands, sum liggur um tær 25 miljónirnar.
Tá øll fiskirættindi og øll alirættindi verða seld á uppboði, ella á annan hátt goldin samsvarandi, fara tey at fíggja alt heilsuverkið sum tað er - eina heila miljard.
Tá verður skatturin á lønarfólkið eina heila miljard minni og heilsuverkið hitt sama sum nú.”
Hava fingið 40 ferðir so nógv
Líggjas Johannesen sigur, at síðani hesi orðini vórðu skrivaði, hevur landskassin fingið umleið 40 ferðir 25 milliónir í tilfeingis- og aligjaldi.
“Hvussu stendur so til við sjúkarhúsinum og sjúklingum sum skulu viðgerðast uttanlands?” spyr hann.
“Jú tað manglaðu 17 milliónir krónur í til Landssjúkarhúsið í ár. Landstýrið kom við einum uppskoti um at hækka játtanina við 10 milliónur krónum og ikki 17 milliónum. Tað bleiv so til 14 milliónir við einum uppskotið frá andstøðuni,” sigur Líggjas Johannesen, og hann spyr samstundis, hvar pengarnir frá økta tilfeingis- og aligjaldinum eru brúktir?
Pengarnir eru farnir til skattalættar
Í svari til ein fyrispurning frá Magnusi Rasmussen, løgtingsmanni, segði Kristina Háfoss, landsstýriskvinna, í farnu viku, at fiski- og alivinnan rindaðu 787,7 mió. krónur til landskassan í 2016 og 871 mió. krónur í 2017. Hon segði, at hesir pengarnir høvdu gjørt tað møguligt at geva føroyingum skattalættar í 2012 og 2016.
Mest lisið í farnu viku
Samband
Heygsvegur 8
490 Strendur