Sjálvstýri havt ársfund
Jógvan Skorheim heldur fram sum formaður og orsøk er at halda, at ætlanin er, at heimleysu tjóveldisveljararnir í Klaksvík, skulu velja Sjálvstýri á komandi løgtingsvali
Sjálvstýrisflokkurin hevði ársfund í dag. Fundurin var hildin í Klaksvík á Spinnarínum. Tað vóru umleið 30 fólk á landsfundi.
Fundarfólkið tók undir við at Sjálvstýri skuldi verða konstruktivt í andstøðu. Nevnt bleiv at teir hava tikið undir við onkrum uppskotum, sum samgongan hevur lagt fram.
Sjálvstýrisflokkurin er farin at hugsa um komandi Løgtingsval. Jógvan Skorheim, formaður, sigur, at hann væntar at fáa 2 løgtingsmenn og vónandi tríggjar á komandi Løgtingsvali.
Sjálvstýri heldur, at fiskivinnnan skal fáa tryggar karmar. Útlendinapolitikkur og Grøn orka eru eisini á skrá hjá sjálvstýri.
Tað ljóðar sum at Sjálvstýrisflokkurin nú ætlar at fiska stemmir í Tjóveldisflokkinum. Jógvan Skorheim nevndi fleiri mál, sum benda á sjálvstýrisleið, sum sjálvandi eisini er í trá við stevnuskrá floksins. Úrslitið av seinasta kommunuvalið í Klaksvík ger, at tað er upplagt at gera eina roynd at varveita Tjóveldisatkvøðum í Klaksvík.
Jógvan Skorheim varð afturvaldur sum formaður.
Mest lisið í farnu viku
Samband
Heygsvegur 8
490 Strendur