Sjálvstýrisflokkurin hevði ársfund í vikuskiftinum. Tað skrivaðu vit um í gjár. Millum annað var Kringvarp Føroya á fundi. R7 var ikki á fundi. Men vit hava sjálvandi nógvar og góðar keldur.

Nú Kringvarpið nýtti høvið at tosa við formannin í suðurstreymoyar Sjálvstýrisfelag, so kom bæði eitt og annað fram.

Tað fyrst mær kom til hugs er, at fyri stuttari tíð síðan var formaðurin í Suðurstreymoyar Sjálvstýrisfelag í KVF og tosaði um ógegni hjá kommunustýrislimi í Klaksvík. Tað er klárt at ósemja er millum Bjørn á Heygum og sjálvstýrarnar í Klaksvík. Tí undrar tað almikið at nú Bjørn aftur var í KVF, at hann ikki bleiv spurdur um gegni at úttala seg um samtyktir í Klaksvíkar kommunu. 

Bjørn av Heygum kláraði so aftur í dag at dríta í egið reiður. Nú so stutt er eftir til komandi Løgtingsval, er vandamikið við ósemjum í flokkum. Tað kostar nógvar atkvøður til val. Annars finst Bjørn javnan alment at Sjálvstýrisflokkinum.

Annars fekk R7 eisini at vita, at Suðurstreymoyar Sjálvstýrisfelag, ikki hevði atkvøðurætt á aðalfundinum, sum eisini var hildin í vikuskiftinum. Orsøkin var, at lokalfelagið ikki hevði latið inn limalista og heldur ikki hildið aðalfund. Tá hótti lokalformaðurin við at rýma, heldur enn at biðja um gott veður. Onkur tók synd í teimum og helt tað verða keðiligt at nokta onkrum av gomlu og trúgvu Sjálvstýrismonnunum, sum vóru komnir við lokalformanninum til Klaksvíkar, at luttaka á fundinum. Teir sluppu tíð í vennavold at luttaka á aðalfundinum.

Vit hoyrdu annars lokalformaðurin í suðurstreymi, vísa á, at Sjálvstýri siga sína meining um at flokkurin helt bara tað sama sum aðrir flokkar. Men vit fingu einki boð frá Bjørn uppá hvat Sjálvstýrisflokkurin skal meina. Tað tykist undarligt. Hvat er meiningin við at siga at alt er galið og onki boð hava uppá, hvat skal verða betri?

Tað hevur sjálvandi verið ónøgd í áravís í suðurstreymi um tað at løgtingsmenn úr bíbliubeltinum dominera. Men tað gongur illa at finna valevnir í suðurstreymi, sum kunnu fáa tingsess. Nógv hava bjóða seg fram. Bæði rættuliga væl kend og minni kend. Men felagst tykist verða at tey hugsa um egnan tingsess og gloyma kjarnuveljarar floksins.

Trupult er at meta um núverðandi formann í Suðurstreymoyar Sjálvstýrisfelag. Men at felagið ikki hevur møtirætt á aðalfundi vegna væntandi innlating av skjølum er óheppið. Tey megnaðu heldur ikki at manna lista til býráðsvalið, og tey eru í stríð við umboð floksins. Tað skal góður vilji til at halda at trupulleikin er aðrastaðni enn í Suðurstreymi.

Tá undirritaði samstundis hevur frætt frá fleiri keldum, at tað umrøtt verður á fundi í Gamla Sjálvstýri av og á verður referera í Ad-Hoc teiminum á Vágaportalinum og í Facebook viðmerkingum hjá Tobba, so skjótt fundurin er liðugur, so er orsøk at halda at tað ikki bara eru tangaskip, sum áttu at havt dupultan skrokk.

Tað er meira enn ein persónur, sum heldur at onkur duld dagsskrá er. Men tað tykist ikki sum tey halda seg vita neyvt hvat dulda dagsskráin er, uttan tað at endamálið er at skaða flokkin.