Kvøldseta á Miðnámi á Kambsdali
Í kvøld verður árliga heystkvøldsetan á Miðnámi á Kambsdali har høvi verður at síggja skúlan og kunna seg um tað, ið fer fram á skúlanum.
Næmingar á skúlanum fara at framføra tónleik, vísa filmar, greiða frá námsferðum, hava hoyrispøl, lesa upp stuttsøgur og yrkingar.
Eisini fara næmingar í lívfrøði at greiða frá planktonkanningum, sum tey hava gjørt á Skálafjørðinum.
Sum nakað nýtt fer skúlin at hugleiða um noðurlendska samstarvið sum skúlin er blivin partur av. Ein serstøk norðatlantisk breyt byrjar komandi summar. Næmingarnir á hesi breyt ganga fyrsta árið í skúla í Danmark, annað árið í Føroyum og Íslandi og triðja árið í Grønlandi. Somuleiðis verður greitt frá øðrum samstørvum
Kvøldsetan er eitt gott høvi hjá teimum, sum umhugsa at fara undir eina miðnámsútbúgving at uppliva, hvat Miðnám á Kambsdali hevur at bjóða. Eisini er hetta eitt gott høvi hjá familju og vinfólki hjá næmingum á skúlanum at uppliva skúlan.
Ein flokkur, sum samlar pening inn til námsferð, fer at selja kaffi og annað. Kvøldsetan verður í kvøld kl. 19.
Øll eru hjartaliga vælkomin.
Mest lisið í farnu viku
Samband
Heygsvegur 8
490 Strendur