Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Reingerð nú eisini ein møguleiki í heimatænastuni

Innanlands, Lesarabrøv | 30/11-2018 11:33

Politiskt samstarv og breiðar semjur í Tórshavnar býráð er vegurin fram at menna kommunala virksemi og vælferðartænastur til borgaran - hetta uttan mun til politiskan lit. Vit øll í býráðum eru vald politiskt at leiða og stýra somu kommunu, og ikki einari kommunu fyri samgonguna og einari fyri andstøðuna

Politiskt samstarv er vegurin fram fyri at fáa ávirkan, og eg vil fegin vera við til at ávirka og flyta okkara høvuðstað strategiskt fram á leið.

Síðani kommunurnar yvirtóku eldraøkið, hava vit alla tíðina kýtt okkum at betra heimatænastuna, og nú verður sett í verk enn ein nýggj tænasta, sum vit kunnu bjóða okkara borgarum í Tórshavnar Kommunu komandi ár.

Møguleiki verður nevnliga fyri komandi ár at fáa hjálp til húsliga reingerð til okkara eldru og meira og minni óhjálpnu borgarar, tí nú er sett av ein hálv millión krónur á fíggjarætlanini fyri 2019, júst til at styrkja hesa tænastu.

Hetta er eitt úrslit av góðum politiskum samstarvi um fíggjarætlanina fyri 2019, sum eg taki undir við - grunda á, at meirilutin m.a. gekk hesum ynski á møti, nevnliga at játta pening til Menning av heimatænastuni.

Menning av heimatænastuni er eitt av teimun fokusøkjum, sum eg havi lagt stóran dent á og serliga, at vit kunnu veita reingerð til teir brúkarar, sum eru illa fyri likamliga og fíggjarliga, og einans hava fólkapensiónina at liva av.

Vit fara nú at menna hesa skipan, soleiðis at tað fyrst og fremst verða teir veikastu brúkararnar, sum fáa tilboð um hesa tænastu. Tað verða okkara fakfólk, sum koma at visitera og meta um tørvin í hvørjum einstøkum føri, t.v.s. slag og stødd á tørvi.

Ein fíggjarætlan er grundarlagið undir okkara politisku málsetningum, raðfestingum og øllum okkara kommunala virksemi, og tí kann henda vera við til at flyta býin fram á leið.

Sjálvandi eru tað mál, sum eg kundi ynskt at havt størri ávirkan á og broytt, men eg má eisini fyrihalda meg til politiska veruleikan sum m.a. verandi í andstøðu.

Eg velji politiskt samstarv og ávirkan, heldur enn at stilla meg uttanfyri og onga ávirkan fáa.

 

Annfinn Brekkstein

býráðslimur fyri Sambandsflokkin í Tórshavnar Kommunu


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Annika Bolton Mortensen
Mest lisið í farnu viku
Eiga at halda fast við tálmandi rúsdrekka­politikkin
Sonni hevur Volvo "virus "
Kleptoman-landskassi
R7 Premier League (29) - 10. des 2018
Rák (27) Damudomi um sexismu í almanna rúminum
Metis - Øll sendingin - 11. desember 2018
"Kom á 2069!" (42) - 7. des 2018
NOVA úr Suðuroynni (33) - 10. des 2018
Tvístøða (49) - "Mín besti vinmaður hevur kvett sambandi við meg!"
Fuglafjarðarsendingin (14) - 06. des. 2018
Glasir!
Tvístøða (49) - Øll sendingin
Novembervitjan í Suðuroy - møtir og bíbliuskeið
Her verða allar gátur loystar
Tvístøða (49) - "Eingin hevur ábyrgdina av teimum, ið ikki finna bústað!"
Tíðindi klokkan 12
Heilsustøðan hjá Anne Graham Lotz - ferðin gjøgnum Skuggadalin longri enn væntað!
Janus Rein og Brandur Ellingsgaard: Nýtt advokat­felag byrjar í Føroyum
Rúni Jacobsen klakti eggini undir síni egnu dýnu
Løgtingið bíðar eftir málum og álitum
Tummas Henriksen kom á Miðvág við KATRIN JÓHANNU seinnapartin
Bústaðarpakkin trýstir vinnuna út
Hugnaløtan (16), tá Hanna Jensen var gestur, verður endursent í dag (7. des)
Brúgvin (113) - 10. des 2018
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi