Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Nær koma næstu vindmyllurnar?

Innanlands, Lesarabrøv | 03/12-2018 20:18

Umhvørvisstovan svarar Røkt: 

Umfatandi kanningar, gjørdar seinastu árini vísa, at skal málið um 100% grøna orku í 2030 náast, er tað fyrst og fremst vindorka, sum skal byggjast út. Tørvur er á umleið 140 MW av vindorku. Í løtuni hava vit 18 MW, tí skulu 120 MW ella umleið 40 myllur á 3 MW setast upp frá nú av og fram til 2030.

Sambært elveitingarlógini hevur orkumyndugleikin ábyrgdina av at bjóða nýggja vindorku út og hevur eisini ábyrgdina av, at kapping er um øll nýggj útboð. Myndugleikin kann av sínum eintingum bjóða nýggja framleiðslu út ella eftir umsókn frá áhugaðum veitara velja at gera útboð.

Nýggjasta vindmyllulundin, tann í Húsahaga,  fór at framleiða í august 2014. Hendan vindmyllulundin er stór í føroyskum høpi og neyðugt var at seta upp framkomna battarískipan, fyri at fáa so stóran part av vindorkuni sum gjørligt til høldar. Hetta kravdi trý ára royndar- og innkoyringartíð. Tí var ikki ráðiligt at gera nýggj útboð fyrr enn í fyrsta lagi í 2017.              

Í hesum tíðarskeiði hevur orkumyndugleikin saman við øðrum myndugleikum gjørt mannagongd fyri, hvussu nýggjar vindmyllur kunnu setast upp.  

  • Nøkur fá serliga væl hóskandi støð eru vald út til vindmyllulundir.
  • Myllurnar skulu vera stórar, helst um 3 MW. (Hetta er tó ikki galdandi fyri Suðuroynna, sum hevur sjálvstøðugt elnet)
  • Myndugleikin fyrireikar økini og bjóðar tey út so hvørt, sum øll elskipanin er klár at taka ímóti.

Í løtuni eru tvey útboð, sum eru gjørd eftir hesi mannagongd. Í Porkeri eru 12 MW boðin  út at seta upp í fyrru helvt av 2020, og á Eiði eru 18 MW boðin út at seta upp eisini í fyrru helvt av 2020.

Arbeitt verður áhaldandi við at gera onnur øki klár, og væntandi kunnu útboð gerast og tær fyrstu vindmyllulundirnar setast upp á hesum økjum frá 2021.

Eitt øki er tó, sum seinastu tvey árini hevur verið klárt til at gera útboð á. Hetta er Hoyvíkshagin norðan fyri Havnina, sum hevur mark til Húsahaga og vindmyllulundina har. Økið er hóskandi til eina vindmyllulund við 6 myllum á 3 MW ella íalt 18 MW.

Men júst í hesum haganum, sum er landsjørð, hava partafelagið Vindrøkt og festarin gjørt eina avtalu, sum ger, at Umhvørvisstovan ikki hevur havt møguleika at gera útboð har.

Arbeitt verður við at fáa viðurskiftini broytt, so til ber at gera útboð, sum øll hava møguleika at bjóða uppá. Enn er ikki komið á mál við hesum arbeiðinum, og nú er so langt útliðið, at ikki kann væntast, at vindmyllur koma upp í Hoyvíkshaganum fyrr enn í fyrsta lagi í 2020.

Kelda: http://www.os.fo

 


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Randi Jacobsen
Mest lisið í farnu viku
Eiga at halda fast við tálmandi rúsdrekka­politikkin
Sonni hevur Volvo "virus "
Kleptoman-landskassi
Rák (27) Damudomi um sexismu í almanna rúminum
R7 Premier League (29) - 10. des 2018
"Kom á 2069!" (42) - 7. des 2018
Metis - Øll sendingin - 11. desember 2018
NOVA úr Suðuroynni (33) - 10. des 2018
Tvístøða (49) - "Mín besti vinmaður hevur kvett sambandi við meg!"
Fuglafjarðarsendingin (14) - 06. des. 2018
Glasir!
Tvístøða (49) - Øll sendingin
Novembervitjan í Suðuroy - møtir og bíbliuskeið
Her verða allar gátur loystar
Tvístøða (49) - "Eingin hevur ábyrgdina av teimum, ið ikki finna bústað!"
Tíðindi klokkan 12
Heilsustøðan hjá Anne Graham Lotz - ferðin gjøgnum Skuggadalin longri enn væntað!
Janus Rein og Brandur Ellingsgaard: Nýtt advokat­felag byrjar í Føroyum
Rúni Jacobsen klakti eggini undir síni egnu dýnu
Løgtingið bíðar eftir málum og álitum
Tummas Henriksen kom á Miðvág við KATRIN JÓHANNU seinnapartin
Bústaðarpakkin trýstir vinnuna út
Hugnaløtan (16), tá Hanna Jensen var gestur, verður endursent í dag (7. des)
Brúgvin (113) - 10. des 2018
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi