Hesa tíðina á árinum koma nógvar bøkur og tónleikaútgávur á marknaðin, og nú kemur ein fløga út, sum er ætlað fólki við Alzheimers. Tað er Marjun Wolles, sum í eina tíð hevur arbeitt við hesi fløguni.

Í einum tíðindaskrivi sigur hon, at tað er kent, at fólk við Alzheimers gleðast um at hoyra sang og tónleik, sum tey hava kent frá yngri árum.

Hetta hevur Marjun eisini upplivað í arbeiðinum sum feriuavloysari á ellisheimum, og tað er haðani hugskotið er sprottið.

Ein stuðulskonsert, ið samstundis verður ein jólakonsert, verður tann16. desember kl. 19:00 í Mentunarhøllini á Eiði. Atgongumerki til konsertina fáast á heimasíðuni atgongumerki.fo

Eitt lag av fløguni kann hoyrast her.