Frá 23. til 29. apríl verður skipað fyri Mentanarviku í Runavík, og eitt av tiltøkunum er, at Norðlýsið fer at sigla eftir Gomlu Mjólkarutuni. Tað skrivar Runavíkar kommuna á síni heimasíðu.

Norðlýsið fer hesar dagarnar at sigla hvønn dag á Skálafjørðinum, og ferðaleiðarar verða Jóhan Petersen og Sámal Petur í Grund. Teir fara at greiða frá egnum upplivingum, um hvussu mjólkarutan sigldi og hvønn týdning mjólkarutan hevði fyri økið.

Manningin á Havnaskrivstovuni tekur ímóti gestum hesar dagarnar, har høvi verður at síggja forkunnugu framsýningina, sum er uppsett inni á Havnarskrivstovuni.

Soleiðis skrivaðu vit á R7.fo í Apríl.