Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing
? / ??

Grikski forsætisráðharrin aftur gingið í slipsi síðan juni

Andøvsløtan | 06/01-2019 12:00

Grikkar fingu góð tíðindi í 2018 og hava dusað sær í skjótt hálvt ár, tí at ES (les Merkelsa Týskland) gjørdi av at blíðka út av lagi misnøgdar grikkar nú á 9. ári við at sleppa Grikkalandi av kjøtkrókinum hjá ES og at taka lítla landið í LS-horninum av Evropa av andingartólinum, tað hevur ligið í síðan 2010.

“Kúrur kemur eftir kæti og tramin eftir marglæti,” sigur føroyska orðatakið. Grikkaland fór á heysin eftir ábyrgdarleyst nýtsluball, tá tað gjørdist ES-limur. Í 2010 endaði sosialistiska oyðsluorgiið. Grikkar máttu gjøgnum toyvindaran hjá teim planbúskaparligu frøðingunum og politikarunum í Brussels.

ES skuldi kravt, at grikkar lækkaðu almennar útreiðslur og skattatrýstið við høgum botnfrádrátti og lágum flatskatti (t.d. 30%), ásett 10% ríkmannaskatt og álagt eina afturhaldsskipan, sum øll skuldu gjalda skatt eftir, serliga fjøldin av skattgjaldarum, sum hava skákað sær undan at gjalda skatt í áravís.

Tað versnaði, tá vinstrasamgongan vann valið og skipaði stjórn í 2015 undir tí marxistiska forsætisráðharranum Alexis Tsipras. Kommunistiski leiðarin misti sín vinstrahalla fíggjarmálaráðharra eftir bert 2 árum. Síðan hevur hippy-frøðingurin Yany Varoufakis hildið fyrilestarar í ES og USA fyri akademiskum feløgum um planbúskaparliga sælu frá Pol Pot til Castro, frá Stalin til Hoydal.

Meðan ES táttaði slipsknútin hjá øllum grikkum, so teir bláir hava ringt seg í andaneyð og krampum, tók Tsipras sítt smáborgarliga slips av og lovaði ikki at binda tað aftur, fyrrenn “kaldi turkurin” hjá Hellas var av. Tað hendi í 2018.

Hvussu sær grikski búskapurin út eftir 10 ár við sosialistiskari sjokkviðgerð? Jú, lønarlagið er falið 20%, BTÚ er minkað 25%, arbeiðsloysið er upp 40% ímillum ung, og játtanin til almannamál er lækkað 70%! (T.d. fáa pedofilir grikkar ikki longur pensjón sum áður fyri at vera sjúkir í høvdinum).

Tað rekur so hart á kíkin hjá tí súru Merkel, tí snobbuta Macron, tí altíð fulla Juncker, at tey nú loyva grikkum aftur at reka sín egna fíggjarpolitikk, hóast 95 ES-fundir eru hildnir um Grikkaland síðan húsagangin í 2010 uttan úrslit.

Samvitskubit ES kann vera, tí Italia við 6 ferðir størri búskapi enn Grikkaland er enn meiri sperlað og krevur ein enn “kaldari turk”. Omaná kemur, at ES hevur sperrað 700.000 analfabetiskar afrikanskar flóttar inni í Italia. 


Meiningar og hugleiðingar ið verða bornar fram í sendingum á R7, umboða ikki meiningar, áskoðanir ella sjónarmið hjá leiðsluni í R7 Kringvarp.

Lýsing
Mest lisið í farnu viku
Uppskotið sum flent varð eftir hevði komið væl við nú
Rák (29) 5G tøkni og undirskriftinn­savning móti, at føroyingar verða millum fyrstu í heiminum at fáa 5G
Byggigølan á Glasi - tey eru skelka!
Hugnaløtan (47) - Gestur: Jógvan Arge
Video: Kópur etur fisk áðrenn hann fer aftur í trolið
Prát við Arna Zachariassen um burðartal
Prát við Anfinn Olsen
Ferðslutrygd 43 ár í dag
Kópur oyðir toskastovnin í New Foundlandi
Samrøða við Jacob Vestergaard um Glasir
R7 Premier League (33) - 21. jan 2019
Republikanskt CO2 sirkus á Vaglinum í Havn
"Kom á 2069!" (45) - 18. jan 2019
Barbara Holm gevst sum blaðstjóri á Sosialinum
Prát við Virgar Dalsgaard um leiklutin hjá Emil Joensen í samband við "Merkið"
Javnaðar­flokku­rin avdúkar nýtt valevni
Ronaldo játtar seg sekan
Sølu- og marknaðarleiða­rin í Miðlahúsi­num er farin í annað starv
Tíðindi klokkan 12
Desember størsta vøkstur í arbeiðsplássum í USA nakrantíð
Bárður, Jacob, Bill og Kristin vilja ikki á fund við Kristinu Háfoss
Valskráin hjá KvF
Metis - Øll sendingin - 22. januar 2018
Sri Lanka - í botnleysari skuld til Kina - setir deyðarevsing í verk
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi