Amerikanskir fjølmiðlar eru almenn talurør hjá demokratiska flokkinum og hava sum felags mál at beina fyri republikanska flokkinum, serliga nú Donald Trump er forseti. Teir brúka yvir 90% av tíðindasendingum at spilla forsetan út. Úrslitið er, at eingin nakrastaðni hoyrir eitt gott ella neutralt orð um Trump.

Fólk flest halda, at republikanar verja áhugamál teirra ríku, og demokratarnir verja søk teirra fátæku. Veruleikin, ið “fake news” dylja, er hin júst øvugti.

Við miðvalið til umboðsmannatingið í nov. vunnu Demokratarnir meirilutan í teim 20 ríkastu valdømunum í USA, t.e. í valdømunum við hægstu miðal inntøkum. Hesi valdømi liggja øll fram við eystur- og vesturstrondini í USA, undantikið eitt, ið liggur í javnaðarsatinum Illinois.

Tey 4 av hesum valdømum, ið høvdu republikanskan meiriluta fyri valið, fullu øll yvir í demokratisku leguna, so republikanar eiga einki “ríkt” valdømi eftir.

Trump hevur gjørt orðafellið “fake news” (“følsk” ella “skeiv tíðindi) til eitt hitt mest brúkta hugtakið í amerikanskum politikki. Bert Fox News stuðlar Trump. Tey 6 stóru SV-feløgini og 2 stóru avísirnar, serliga New York Times og Washington Post, bera bert neilig tíðindi um Trump, og heimurin ekkóar tey.

Onkur undrast, hví tey ríkastu 20 valdømini hava sosialistiskan meiriluta, uttan eitt í Illinois, og hví tey liggja fram við atlants- og kyrrahavsstrondini. Svarið er, at New York og California eru teir (fólka- og) ríkastu statirnir í USA.

7 av ríkastu 20 valdømunum liggja í New York State, 5 eru í San Francisco økinum, 4 liggja í Washington DC, 2 eru í Suðurkalifornia, og eitt í Boston.

Ríkasta valdømi hevur $122.000 í miðal inntøku (móti miðal $ 52.000 í USA). 20. ríkasta valdømi hevur $ 95.000 í miðal inntøku. Democrats eiga tey ríku og fínu, tey vinstrahallu, akademikarar og minnilutar, nærum øll svørt og brún.

Strandastatirnir hava í longri tíð drigið stórar fyritøkur aftrat sær, tí tey væl útbúnu fólkini hava búð í California, í New York State, Massachusett og DC.

Republikanar hava fleirtal í Texas (28 mió fólk) og í teim fátæku statunum í Mið- og SuðurUSA. Har fáa Donald Trump og Republikanski flokkurin stuðul frá meiriluta av veljarunum, ið flestir eru “blue collar” arbeiðarar.