Londonistan: 423 nýggjar moskur – 500 stongdar kirkjur
Bretskir agitatorar fyri “margmentan” fóðra islamska fundamentalismu, skrivar Gatestone Institute úr London. Greiningarstovnurin leggur aftrat, at muslimum tørvar ikki at gerast meiriluti í Bretlandi. Teim nýtist bert at islamisera størru bretsku býirnar. Tað gera teir longu við rúkandi ferð og yvirtaka landið skjótt.
Bretskir politikarar hava fullar hendur av Brexit o.ø. avbjóðingum. Bretar hava tvinnar hersknar kostir at velja millum: Theresu May, ið hevur fingið krakk frá egnum flokki sum forkvinna, og hinumegin marxistin Jeremy Corbin.
Embætismenn við myndugleika gloppa alt fleiri dyr fyri eitt nú Sharia lóg. Ein leiðandi bretskur dómari, Sir James Munby, skrivar, at kristindómur ávirkar ikki longur dómstólarnar, ið hereftir verða margmentaðir, altso muslimskir.
Rowan Williams, frv. erkibispur í Canterbury, og hægstirættarforsetin, Lord Phillips, hava skotið upp, at ensk lóg eisini skal umfata partar av Sharia lóg.
Bretsk universitet fremja islamska lóg. Nýggj reglugerð fyri hesar hægstu lærustovnar sigur nú, at fyrilesarar uttanífrá kunnu fáa eftirlíkað krøv um, at menn og kvinnur, ið lurta, verða býtt sundur. Á Queen Mary University í London verða kvinnur noyddar at brúka egnu inngongd og at sita fyri seg í fyrilestrarhøllini uttan loyvi at seta spurningar, júst sum í Riyadh og Tehran.
“London er meiri islamskur enn fleiri islamsk lond samanlagt,” sigur imamurin Syed Raza Rizvi. Blaðkvinnan Melanie Phillips kallar býin “Londonistan”. “Terroristar hata tann fleirmentaða London, sigur Sadiq Khan, borgarstjóri. Enski høvuðstaðurin byggir á toftirnar av tí víkjandi kristindóminum.
Daily Mail prentaði fotomyndir av eini kirkju og eini mosku lið um lið í London. Í San Giorgio kirkjuni, bygd til at rúma 1.230 sóknarbørnum, vóru bert 12 fólk til messu. Brune Street moskan við síðuna av hevði øvugtan trupulleika. Hon er bygd til 100 muslimar, men fjøldin lá á knæ úti á gøtuni vend móti Mekka.
Mett verður, at í 2020 verða íalt 700.000 muslimar til bøn og bert 680.000 kristin til guðstænastu hvørja viku. Gateston skrivar, at helvt av bretskum muslimum er yngri enn 25 ár, men 1/4 av bretskum kristnum er yvir 65 ár.
Síðan 2001 eru yvir 500 kirkjur í London seldar og umbygdar til aðra nýtslu, meðan 423 nýggjar moskur eru bygdar somu 18 ár í sama London.
Mest lisið í farnu viku
Samband
Heygsvegur 8
490 Strendur