Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Alt fer rætt fram við Katrin Jóhonnu

Politikkur | 05/01-2019 18:21

Norðlýsið undrast í grein á, at nýggja vágaskipið Katrin Jóhanna landar svartkjaft, sum er fiskaður av menningarkvotu, til ídnað á Havsbrún í Fuglafirði.

https://nordlysid.fo

Men tað er við loyvi frá Fiskimálaráðnum, at Katrin Jóhanna í løtuni fiskar og landar svartkjaft í Fuglafirði. Tískil er tað eisini í samsvar við verkætlanina, sum menningarkvotan er latin til, at hetta verður gjørt.

Tað er eisini tað, sum frá fyrstan tíð hevur eyðkent eigararnar av Katrin Jóhonnu – reiðaríið p/f Kinnfelli – at teir ongantíð hava gjørt nakað sum helst í sambandi við menningarkvoturnar, uttan at tað er gjørt í samráð við Fiskimálaráðið og myndugleikarnar annars.

Í so máta eru teir eitt fyridømi, ið bert hava rós uppiborið, og sjálvur eri eg ógvuliga errin um, at Vágar hava fingið lut í menningarkvotum, og at tær eru í so góðum hondum, sum tær eru.

Hetta var fyrsti túrurin hjá skipinum, og skipari og manning skulu sjálvsagt hava møguleika at læra skipið, kølingina og allar greiðirnar annars at kenna.

Ongin, heldur ikki politiski myndugleikin, hevði heldur roknað við, at øll tey umleið 10.000 tonsini av svartkjafti, sum árliga svarkjaftakvotan er upp á, beinanvegin fóru at kunna virkast og mennast í Miðvági. Men vónandi fer virkið at røkka langt í so máta, so hvørt sum fýra ára skeiðið fyri menningarkvotuna líður.

Sum eg havi skilt tað, skal ein norðmaður, ið hevur drúgvar royndir við skipinum, verða við næsta túr at leggja lag á. Tann túrurin verður eisini eftir svartkjafti at landa í Fuglafirði. Men síðani verður farið á makrelveiðu, og tá verður miðað eftir at landa mest møguligt til Snarfrost í Miðvági. Eisini har er talan um at byrja á berum, so sjálvsagt skal eisini verða rúm fyri royndarkoyring ta fyrstu tíðina.

Síggi, at Norðlýsið leggur dent á, at Havsbrún fyri stóran part hevur útlendskar eigarar. Dugi ikki rættiliga at síggja, hvønn týdning tað hevur í hesum sambandi, tí Havsbrún hevur onki ræði á rættindunum hjá Katrin Jóhonnu. Í øllum førum hevur tað ikki øðrvísið týdning fyri Katrin Jóhonnu og menningarkvoturnar, enn tað hevur hevur fyri øll tey gomlu uppsjóvarreiðaríini, sum øll somul eisini landa svartkjaft til Havsbrún.

Ingolf S. Olsen
Tjóðveldi, framsøgumaður í fiskivinnumálum

 


Lagt út: Randi Jacobsen
Lýsing
Mest lisið í farnu viku
Páll á Reynatúgvu: Marine Harvest hevur frávalgt at reka flakavirkið í Skopun
BEINT NÙ À R7 radio: COUNTRY TÌMIN
Vespureiðrið (111) - 17. juni 2019
Metis NÙ beinleiðis á R7 nú klokkan 13.00 til 15.00
Stafettin (9) - Joen Magnus Rasmussen spyr Ruth Vang
Tíðindi klokkan 12
Manning á Sjóborg avhoyrd
Við Sjóvarmálan (5) - 17. juni 2019
"Kom á 2069!" (64) - 14. juni 2019
Hav Atlantic hevur spart nógva olju við eini nýggjari skipan
Prát: Virgar Dalsgaard um Merkið og Emil Joensen
Ingolf Sólheim Olsen varð loystur úr løgtings­sessi­num fríggja­dagin
Suðuroyar­tunnilin fer at kosta meira enn 3 mia. krónur
Countrytímin - Sending um Country & Blues festivalin 2019
Gerhard Lognberg: Stórreiða­rin í Klaksvík fór við fiskinum
Pauli Trond Petersen lovar "at tað skal verða heitari um kvøldar­nar í Føroyum"
Prát: Elsebeth Mercedis Gunnleygsdóttur, Jógvan Skorheim og Óluva Klettskarð um politikk í Norð­oyggjum
Moralska kumpassin
Maersk sett nýtt heimsmet við størstu lastini umborð
Metis - Øll sendingin - 18. juni 2019
Prát: Svein Rógvi Ljósstein Nielsen um at rudda plast
R7 kringvarp klokkan 13.00 til 15.00: beinleiðis sending Við Sjóvarmálan
Semir Hadzibulic er aftur bláur
Prát við Jógvan Gregersen, stjóra á Vaðhorn Seafood.
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi