Í døgunum 6. til 12. juli 2019 verða Oyggjaleikir hildnir á Gibraltar, og ÍSF boðar í dag frá, at
105 ítróttafólk fara at umboða Føroyar í tíggju ítróttagreinum.

Ítróttargreinirna eru: Frælsur ítróttur, Badminton, Kurvabóltur, Súkkling, Judo, Skjóting, Svimjing, Borðtennis, Tennis og Triathlon.

“Endaligu hóparnir í ymsu ítróttagreinunum verða úttiknir fyrst í mai mánaði,” sigur ÍSF.

Flogbóltur, Bogaskjóting, Fimleikur og Golf verða ikki partur av leikunum hesuferð. Hesar ítróttargreinarnar hava verið ein fastur partur av oyggjaleikunum í mong ár. Hinvegin so er Judo, sum ikki hevur verið við seinastu leikirnar, nú aftur við.

Ferðalagið fer við Atlantic Airways úr Føroyum tann 3. juli og verður heima aftur í Føroyum tann 13. juli.