Samskiftisfyritøkan, QODIO, hevur fingið nýggjan bústað. Nýggi bústaðurin er í Strandatúni á Strondum, í húsinum har gamli Føroya Banki fyrr helt til.

Borgarstjórin var í dag á vitjan hjá QODIO. Har handaði hann stjóranum, Jógvani Andersen, eitt blómutyssi og bjóðaði teimum vælkomnum í kommununa.
QODIO er ein kreativ samskiftisfyritøka, ið veitir tíðarhóskandi snið og heimasíðuloysnir.

Síðan 2010 hevur fyritøkan ment heimasíður til føroyska og útlendska marknaðin undir navninum Faroe Media. Í 2017 fór eitt navnaskifti fram og gjørdist fyritøkan til QODIO.

QODIO er eitt samansett orð út frá enska orðinum "coding", ið er forritan, og fevnur hetta um ein stóran partur av virkseminum hjá fyritøkuni. Orðið úttalast beint fram, "kodio".

6 fólk starvast dagliga í fyritøkuni, ið nú heldur til á Strondum. Umframt forritan verður eisini arbeitt við grafiskum arbeiði fyri fyristøkur og stovnar.

R7 leigar eisini eitt høli frá QODIO, og tá vit vóru og vitjaðu í morgun, sat Helgi Abrahamsen og las tíðindi inn.

Vit fegnast um at lív aftur er komi í húsini á Strandatúni 1, og ynskja QODIO góða eydnu við virkseminum víðari.

Soleiðis skrivar Sjóvar Kommuna á heimasíðu síni.

Nakrar myndir frá vitjanini eru at finna í myndasavninum her: http://sjovarkommuna.fo