Ákærur hava verið ímóti politinum, bæði her heima og í Danmark, at teir eru ov passivir tá tað snýr seg um tráfylging. Danska stalking-lógin, varð umsett og sett í gildi her heima í apríl 2017. Í hesi útvarpssending tosi eg við Bjarna Fróða Nattestad frá politinum. Vit hoyra m.a. hvørjar avbjóðingar hetta slag av harðskapi gevur politinum. 

Tosað verður eisini við advokatin Bjørn á Heygum, um hvussu lóggávan á økinum virkar. 

Danska løgmálaráðið kom í januar mánaða við einum lógaruppskoti, at tilskila sálarligan harðskap í revsilógini og at geva upp í trý ára fongsilsrevsing fyri sálarligan harðskap. Í sendingini verður eisini tosað við Sidsel Jensdatter Lyster, prestur og løgfrøðilesandi, sum vegna einum norðurlendskum netverki av 1500 fólkum, ið eru rakt av øðrum harðskapi enn tí sjónliga fysiska, hevur samskift við danska løgmálaráðið um hesa lóggávu. 

Allir partar tykjast samdur um, at brúk er fyri meira sálarfrøði og menniskjaligum innliti í lógarverkið og hjá myndugleikum.

Annika Bolton Mortensen hevur lagt sendingina til rættis.