Elizabeth drotning og Philip fjald, um ófriður stendst av Brexit
The Sunday Times skrivaði um vikuskiftið, at um ófriður tekur seg upp millum stríðandi partarnar um Brexit, hevur May-stjórnin fyrireikað at fjala drotningar-hjúnini, Elizabeth og Philip prins. Sama mannagongd verður brúkt, sum var klár, men ikki gjørdist neyðug undir Kalda krígnum, um Sovjet leyp á Bretland.
Avísin skrivar, at bretska stjórnin ræðist fyri, at partirnir fyri og ímóti Brexit leypa á hvør annan, og gøtubardagar verða um 29. mars. Tað er dagurin, tá ið Bretland fer úr ES-felagskapinum, um eingin góð, nýggj avtala fæst.
Parliamentið var so misnøgt við avtaluna, sum Theresa May fekk í lag við Brussel, at heilir 2/3 av undirhúsinum úr báðum stóru flokkunum feldu hana.
Síðan hevur forsætisráðharrin gingið hurð av hurð í ES-londum fyri at fáa eina nógv broytta avtalu til høldar fyri Bretland, men smá útlit eru fyri betri úrsliti.
So stórt trýst liggur á Bretlandi, tí fólkaatkvøðan um bretskan ES-limaskap var so tepur, at bert sløk 52% vóru fyri og heili 48% ímóti, at Bretland fór úr ES.
Seinni meiningakanningar vísa, at nú er øvugt: Meirilutin er ímóti Brexit og krevur nýggja fólkaatkvøðu, sum ivaleyst hevði kravt framhaldandi limaskap.
Men tí er May ímóti. Eingin nýggj fólkaatkvøða, og 29. mars liggur fastur. Bretar eru á rokinum og liggja nú millum “The Devil and the deep sea” ella “Caught between a rock and a hard place.” Ró nú, Snopprikkur.”
Konservativir parlamentslimir biðja stríðandi partarnar sissa seg. “ES-fjepparar í yvirstættini eru bangnir fyri at missa ávirkan, um Bretland fer úr ES. Østir tænastumenn hava droymt um hetta tvætlið at skula fjala drotningarhjúnini, sum um Sovjet leyp í Kalda krígnum,” segði ein kendur konservativur parlamentslimur og harður Brexit-erur við Sunday Times.
Skamm fái hesir bretsku politikarar, sum í báðum flokkum í áravís hava latið útlendingar í millióna tali sníkja seg inn í Bretland og hava gjørt gerandisdagin hjá vanligum bretum til eina marru, so fleirtalið atkvøddi fyri, at Bretland kundi vinna sjálvræði aftur við at rýma úr ES.
Nú ræðist meirilutin, at teirra gerandisdagur verður harðari uttan enn innan fyri ES. Tí fremmandafuglarnir fara ongan veg úr UK og heimaftur til teirra hundabøli. Nei, tað verða bretar og aðrir ES-borgarar í Bretlandi, ið rýma.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur