Fótbóltssamband Føroya (FSF) søkir eftir kvinnuligum dómarum at byrja skjótast tilber. Lønin er góð, 30.000 skattafríðar krónur árliga, skrivar FSF á heimasíðu síni.

Starvið sum dómari er fyri tað mesta leygardag, sunnudag seinnapart og okkurt kvøld mitt í viku. Tað er ein fyrimunur at vera góðum formi – um ikki, hjálpa vit tær fegin at koma í gongd. Vit vænta, at tú setur tíð av til fysiska venjing og fyrireiking til dystirnar, skrivar FSF. 

Dómaraleiðarin í Fótbóltssambandi Føroya syrgir fyri, at komandi dómarar fáa grundskeið í fótbóltslógini, sum gevur FSF grunddómaraskeiðið. Harumframt fáa komandi dómarar skeið í at nýta skipanina Comet, sum verður brúkt til at skráseta dystir, dómaraseðlar o.a.

FSF væntar at umsøkjarir hava áhuga í fótbólti, dirvi at taka avgerðir og árræði at læra fótbóltslógina. Góðar sosialar førleikar og góðan kropsligan form.

Dómarin verður løntur sambært sáttmála millum Dómarafelag Føroya og Fótbóltssamband Føroya. Lønin er tengd at, hvørjari deild ein dømir í. Lønin verður útgoldin sum ítróttarløn, tvs. at ein kann forvinna upp til 30.000 skattafríðar krónur árliga.

Les meira um at søkja starv sum dómari á heimasíðuni hjá Fórbóltssambandi Føroya her.