Tað eru nøkur ár síðani, at Toyota Camry varð tikin av danska – og har við eisini føroyska – marknaðinum. Stórt spell hildu vit á Reyni Service, tí tað vóru fleiri av viðskiftafólkum okkara, sum vóru sera fegin um rúmliga og álítandi Toyota Camry.

Nú verður Toyota Camry tó aftur at fáa her um leiðir. Nýggja útgávan av Camry sameinir flotta sniðgeving við framkomnu tøknina, sum er í nýggja ættarliðnum av Hybrid-drivnum Toyota.

Hetta er ein Hybrid-bilur fyri tey kræsnu. Nýggi 2,5 bensinhybridmotorurin hevur heilar 218 hestar og sera gott moment.

Við nýggja TNGA-platforminum hjá Toyta hevur bilurin fingið eitt lágt tyngdarpunkt og eitt sera stíft stell, og tí hevur bilurin framúr góðar koyrieginleikar.

Innan er talan um klassiskar Camry-dygdir. Hann sær gott út, og tilfarið er av besta slag. Bilurin er sera rúmligur bæði framman og aftan, og allir knøttar til aircondition, tónleikaútgerð og setur eru beint við hondina.

Toyta Safety Sense er sjálvandi eisini partur av Camry. Her er talan um nógvar snildar funkur, sum gera ferðingina í ferðsluni tryggari. Eitt nú ávaring um samanstoyt (neyðbremsa), ávaring um fótgangarar, adaptivan fartpilor, stuðlandi stýring, um tú ert ávegis av koyribreytini v.m.

Ætlandi verður Toyota Camry at síggja á føroysku vegunum eina ferð í summar.

Tað skrivar reyniservice.fo í dag.