Fløga við Aage Samuelsen sangum á føroyskum
16 sangarar og bólkar syngja 16 sangir.
15. februar kemur út nýggj fløga, við sangum hjá norska sangaranum og prædikumanninum Aage Samuelsen, á føroyskum.
Fløgan hevur fingið heiti Handan Stjørnuhav.
Tað er Eyðun Jacobsen, sum hevur tikið stig til fløguna.
Tónleikurin á fløguni er innspældur í Crossroads Studio, Arden NC, av sera dugnaligum tónleikarum. Røddirnar eru innsungnar í studionum hjá Erik Biskupstø í Klaksvík.
Syngja ein sang í part
Tað eru 16 sangir á fløguni. Tey sum syngja eru:
Kvartettin í Betesda - The Gadders - Petur Hans Hansen - Bill Justinussen - John Kári Jacobsen - Magnus Poulsen - Oddbjørg Poulsen - Eyðun Jacobsen - Heine Lützen - Magni Christiansen - Andreas Hvannastein - Janus Jacobsen - Henny Gerðalíð - Zamar - Terje B Vestergaard - Oasubrøður.
Í samband við fløguútgavuna vera ókeypis útgávukonsertir fríggjakvøldið 15. februar kl 20.30 í Oasuni í Hoyvík, og leygarkvøldið 16. februar kl 21.00 í KÍ Høllini í Klaksvík.
Eitt sindur um Aage Samuelsen:
Norski sangarin Åge Samuelsen, føddur 1915, vaks upp í Norska býnum Skien, og er kendur í øllum Skandinavia fyri sínar lívsglaðu og evangelisku sangir.
Åge vaks upp undir trongum korum, bar upp á sjúku sum barn, og kom ikki at ganga fyrrenn hann var um 6 ára gamal.
Læranin í skúlanum helt fyri, at Åge hevði ikki nakað skil fyri tónleiki, men mamman, sum skilti og elskaði son sín, troystaði hann og segði: ,,Åge! Tað kemur ein dagur eftir henda!”.
Tá hann var 15 ára gamal, fekk hann ein gittara frá mammuni, sum hevði keypt hann á uppboðssølu. Gittarin kom at gerast hansara trúgvi lívsfylgisveinur, og hetta ljóðførið kom at føra prógv fyri læraranum og øllum Noregi, at Åge hevði eitt serliga gott oyra fyri tónleiki.
Åge kom út í rúsdrekkamisnýtslu, men í 1944 upplivdi hann eitt andaligt gjøgnumbrot í lívinum. Hann gjørdist virksamur limur í Hvítusunnurørsluni í Skien, har hann brúkti sínar gávur sum sangari og sangskrivari. Hann skrivaði sangir í hópatali, og gjørdist ein sannur sangevangelistur. Hann gav út hópin av plátum, og gjørdist ein nógv eftirspurdur sangari í Noregi.
Aage Samuelsen doyði í 1987, bara 71 ára gamal.
Her hoyrast brellbitar av fløguni.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur