Brúkið bert orðini í røttum týdningi!

"- Tað er bæði syndarligt og syrgiligt at síggja sannføring um egið lýtaloysi bólgna til slíka megalomaniska fiksering. "

"- Kringvarpið átti veruliga at bjóða manninum sálarfrøðiliga hjálp, áðrenn hann í summar aftur skal til arbeiðis á stovninum."

Mánadagin vóru hasar útsagnirnar at lesa í grein í føroyskum tíðindamiðli. Í Sinnisbata finnast vit hvassliga at, at tveitt verður við sálarligum sjúkueyðkennum og tað at leita sær sálarhjálp verður brúkt niðrandi.

Hetta er einki eindømi. Vit síggja alt ov ofta, at tað verður tveitt við sálarsjúkum og sjúkueyðkennum fyri at lýsa eitt nú kenslur, gerðir og støður. Sálarsjúkur skulu stillast hjá lækna og sálarfrøðingi - ikki av almenninginum og ikki í einari grein.

Brúka vit sálarsjúkur og sjúkueyðkenni í skeivum týdningi, missa hesi týdning og virðing. So góðu tit, hugsið tykkum um, hvussu tit brúka orðini, og brúki tey bert í røttum týdningi.

Tað sigur felagið á facebook síðu síni í dag.