Seinasta vikuskfti var fundarøð hildin í Berøa, sum bæði fevndi um evangelisk møtir og bíbliuundirvísing. Ikki færri en 17 talarar høvdu orði, sum spentu frá tí einkla evangeliska boðskapinum til undirvísing í báðum Timoteusarbrøvunum og evnum við atliti til temaði á møtirøðini: “Á ættarlið, gev orði Harrans gætur!”

Fyrsta møti, sum var fríggjakvøldi kl.19:00, var væl vitjað av fólki ymsastaðni frá, og teir sum talaðu hetta kvøldi løgdu góðar lunnar undir teir, sum komu aftaná, tí tað varð longu á fyrsta møtinum lagdur stórur dentur á hvussu alneyðugt tað er, at komandi ættarlið gevur orði Harrans gætur.

Á bíbliutímunum leygarmorgunin varð lagdur dentur á, at um yngra ættarlið skal geva orði Harrans gætur, so er alneyðugt at Orð Guds verður tala í dag, og í heusm sambandi vísti ein av talarunum á áminning Paulusar til  unga Timoteus um “at tala Orð Guds í tíð og í ótíð.”

Tað vóru Jens Bech av Skála og Ragnar Ludvig, sum høvdu bíbliutímarnar leygarmorgunin ávíkavist kl.10:00 og kl.11:30 Leygardagin og sunnudagin seinnapart vóru tað Pætur Hansen, Einar Vang, Áron á Roykheyggi og Jóhan Petersen, sum høvdu bíbliutímarnar.

Reyði tráðurin ígjøgnum røðina var, at ættarliðið má geva orði Harrans gætur.

Kristiliga Tíðindatænastan
v/Poul Jóhan Djurhuus, Glyvrar
gjaranes@gmail.com