Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing
? / ??

Juvél 2 og Missión-Grønland - ein spennandi ferð til Norðurgrønlands 2019

Kristiligar Tíðindasendingar | 20/02-2019 15:35


Tað eru 12 ár liðin síðani Juvél 2 fór sín fyrsta missiónstúr til Grønlands, og síðani tá hevur Juvél 2 farið um kappan við føroyskari manning á hvørjum ári til andaligan fiskiskap bæði í Vesturgrønlandi og Eysturgrønlandi.

Nógv eru støðini, sum eru vitjaði síðani fyrstu ferðina í 2008, og grønlendingar í hundratali hava vitjað umborð hetta tíðarskeiði, og tað kann staðfestast í dag, at hvíta skipið við bíbliusymbolinum frammi á bógnum og Jóhannes 3,16 á skortsteininum, er eitt væl kent og høgt elska skip í nógvum grønlendskum havnum.

Kristiliga Tíðindasendingin hitti Óla Steinberg umborð á Juvél 2 í gjár, og hann sigur, at aftur í ár verður farið missiónsferð til Grønlands. Eftir ferðaætlanini kemur ferðin at vara í knapt 4 mánaðir. Farið verður úr Klaksvík 27. mai og komið verður aftur á Klaksvíkina 18. september.

THULE
Óli sigur, at sum nakað nýtt í ár, so verður siglt heilt norður til Thule. Har hevur Juvél 2 ikki verið áður, men teir hava vitjað einferð áður í Thule, og tað var við Sildberanum í 1977, sum tá var brúktur sum missiónsskip. Tað verður siglt úr Nuuk til Thule, og á leiðini verður vitjað og evangeliserað í umleið 40 bygdum og býum.

Komi verður til Thule fyrst í august. Har verður steðgað nakrar dagar, tá tað verður evangelisera bæði við húsavitjan og møtum í lokala forsamlingshúsinum. Vitjanin í Thule er ein áhugaverd avbjóðing fyri manningina og leiðsluna umborð á Juvél 2, við tað, at hetta er fyrsta vitjanin í Thule seinastu 40 árini. Har liggur eisini Amerikanski hermannabasin, vanliga róptur Thulebasin, har bæði føroyingar, danskarar og amerikanarar halda til. Við á ferðini til Thule vera m.a. Karsten Hansen og Ludvíg Petersen, og skipari á ferðini til Thule verður Olaf Kruse av Eiði.

MASKINMENN
Óli Steinberg sigur við Kristiligu Tíðindasendingina, at teir hava ikki maskinmeistara til allar 4 mánaðarnar í ár. Hann sigur, at teir hava tørv á maskinmeistara í tíðarskeiðinum 27. mai til 04. juli og frá 12. august til 18. september. Møguleiki er at býta tíðina ímillum sín eftir egnum ynski. Óli nevnir hetta sum eitt bønarevni, og vónar at onkur vil bjóða seg fram. Um onkur ynskir at vita meir um hetta, so er ein vælkomin at ringja til Óla Steinberg á telefon 275218 ella 457901.

Kristiliga Tíðindatænastan
v/Poul Jóhan Djurhuus
gjaranes@gmail.com

 


Meiningar og hugleiðingar ið verða bornar fram í sendingum á R7, umboða ikki meiningar, áskoðanir ella sjónarmið hjá leiðsluni í R7 Kringvarp.

Lýsing
Mest lisið í farnu viku
NOVA úr Suðuroynni (42) - 25. mai 2020
Vespureiðrið (135) - 25. mai 2020
Sjófólk leypa fyri borð av reikferða­skipum
Petur Hans Dahl, veðurfrøð­ingur: Veðurvá­nir fyri hesa vikuna (viku 22)
Samrøða við Hanus Kjølbro - Tekur 1 ár at gerast skip­satstøðari á Sjónámi
Í dag lat Kunningarstovan í Nólsoy upp
Leiðreglur fyri ferðandi broyttar
RAVI ZACHARIAS - saknaður av føroyingum
Søgan um festið í Oyndarfirði
The Land of Maybe – No More
Koronasmittan komin umborð á skip hjá Maersk
Teir selja land og seg sjálvar
JUVÉL 2 - nýggj leiðsla!
Hvagar eru vit á veg?
Úr bandasavni­num: Samrøða við Dávur Jacobsen 2. partur
Djórini skulu hava tað gott
Jens Andreassen settur sum yvirlækni á Lands­sjúkra­húsinum
Arbeiðsvanlukka kravt eitt mannalív
Brasilski forsetin noktar at taka ábyrgd
Samrøða: Theresa Turidardóttir Kreutzmann, um ferðavinnu í Suðuroy
Twitter setir merki á boð frá Donald Trump
Ísurin á Norð­póli­num tiðnar skjótari enn væntað
Lands­stýris­maðu­rin sett nýtt Fólka­heilsuráð
BÍBLIU- OG TÓNLEIKATÚRUR - ein annarleiðis ferð
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi