“Sunda kommuna vil fegin stimbra málmenningina hjá smæstu borgarunum. Býráðið hevur tí gjørt av at lata øllum børnum í 1.flokki og 4. flokki eitt árshald av barnablaðnum Píka7.” Tað stendur á heimasíðuni hjá Sunda kommunu.

Í februar fingu børnini fyrsta blaðið, sum er ein gáva, ið skal skapa varandi lesigleði og hjálpa til at broyta hugburðin til lesing.

“Blaðið hevur dygdargott, stuttligt og spennandi tilfar til børnini, og tað speglar gerandisdagin hjá føroyskum børnum,” sigur Sunda kommuna á síni heimasíðu.