Eins og undanfarnu mongu ár verður aftur í ár ein Bíbliu-og Tónleikaferð gjørd við Norrønu millum Havnina og Hirtshals. Ferðin verður í døgunum 18 – 21. august. Farið verður av Havnini sunnukvøldið 18. august kl.23:30 og komið verður aftur á Havnina mikukvøldið 21. august kl.17:30 

Komið verður til Hirtshals týsmorgunin kl.09:30 og farið verður úr Hirtshals kl.11:30 Fólkið fær tveir tímar í landi, har høvið verður at vitja hugnaligu gongu- og handilsgøtuna í Hirtshals. Ókeypis bussflutningur millum Norrønu og gongugøtuna. Føroyska samkomuhúsið Malta liggur beint við gongugøtuna, har fólkið í ferðalagnum eru vælkomin til ein ókeypis drekkamunn.

Undir ferðini verða bíbliutímar og sangløtur. Millum tónleikararnar verður MC Restorff. Fyrilestrar verða eisini á ferðini, har Mortan Johannesen, skipari, Mortan hjá Andreasi, kemur at greiða frá, tá danska farma- og ferðamannskipið Hans Hedtoft gekk burtur á Kappanum í 1959. Tað eru í ár 60 ár síðani skipsvanlukkan hendi, og Mortan veit nógv at greiða frá, tá hann var bert 5 fjórðingar frá Hans Hedtoft.

Við í prísinum er morgunmatur hvønn morgun og allar kvøldbúfféirnar. Tilmelding er byrjað, sum fer fram á Smyril Line tlf: 345900 ella booking@smyrilline.fo Eisini kann tilmelding fara fram á heimasíðuni: smyrilline.fo

Um ein ynskir at vita meir, kann ringjast til Martin Dam Joensen tlf: 235920 ella Poul Jóhan Djurhuus tlf: 228314

Kristiliga Tíðindatænastan
v/Poul Jóhan Djurhuus
gjaranes@gmail.com