Skulu frysta kalvan umborð
-Ja, vit skulu frysta fiskin umborð, tá vit nú hava útgerðina til tað. Um tað gevur meiri prís, ja, so rokna vit við at halda á fram við tí. Tá vit frysta, hava vit eisini møguleika fyri at gera longri túrar, og kanska hava 25 tons, sum er uppí eina frystibingju-Tað sigur Suni Clementsen, skipari, á Varðborg.
-Nú er garnabáturin Thor lagdur eina tíð, tí bæði høvuðsmotorurin, gearið og ljósmotorarnir skulu skiftast. Motorurin er frá 1963, so hann hevur sanniliga tænt fyri seg, sigur Suni.
-Varðborg hevur ligið eina tíð, men er nú riggað um til garnaveiðu. Vit skulu fiska við gørnunum hjá Thor eftir svartkalva, meðan Thor liggur. Samstundis er manningin á Thor flutt yvir á Varðborg, sigur Suni. Varðborg fór avstað í gjárkvøldið ( tyskvøldið) og við eru 10 mans.
Sjómanstrúboðarin vitjaði umborð og heilsaði uppá nakrar av manningini. Eisini var bøn biðin fyri skipi og manning.
Teimum umborð á Varðborg og sjófólkunum annars verður ynskt Guds signing og varðveitslu.
Tað skrivar Thorleif Johannesen sjómanstrúboðari í Føroyska Sjómansmissiónin, sum eisini eigur myndina.
Mest lisið í farnu viku
Samband
Heygsvegur 8
490 Strendur