At vera kropslatur er verri fyri tíni útlit at liva leingi enn at roykja, vilja summi vísindafólk nú vera við. Granskarar á Cleveland Clinic í Ohio hava kannað hagtøl fyri 122.007 fólk, sum royndu seg á rennubandi millum 1991 og 2017.

Granskararnir komu sum væntað fram til, at tey kropsvirknu livdu longur. Men tað skelkaði vísindafólkini, hvussu stórur munur var á teim virknu og óvirknu.

Hagtølini prógvaðu, at tey, ið vóru ringast fyri kropsliga í venjingunum, altso tey minst virknu, høvdu 5 ferð størri sannlíki at doyggja ung enn tey virknastu.

Serliga galt hetta fólk yvir 70 ár og tey við høgum blóðtrýsti. At vera illa fyri á einum rennibandi gevur verri útlit fyri at liva leingi enn av hava høgt blóðtrýst, av sukursjúku ella av at roykja, segði Wael Jaber, doktari, granskingarleiðari.

“Vit hava ongantíð sær nakað líkt hesum. Kropsóvirkni átti at verðið farið við sum ein sjúka, hvørs heilivágur og lekidómur eru kropsrørsla og- venjing.”