Ein av bretsku yndispolitikarum mínum er 38 ára gamla forkvinnan í skotska konservativa flokkinum. Ruth Davidson er slíkt konubrot, at hon á seinasta parlamentsvali bjargaði Theresu May stjórnarmeirilutan í Westminster við at vinna 13 skotskar konservativar tingsessir. Norðan fyri markið áttu The Tories næst seinasta val ongan av teim 59 skotsku tingsessunum. SNP átti allar.

Ein kann illa ímynda sær ein meiri ravnagløggan og jarðbundnan politikara enn Ruth Davidson. Hon er fyrsti floksleiðari, ið er blivin foreldur sum tinglimur

Spurd, um hon ætlar at gerast bretskur forsætisráðharri, sum hon tykist hava evni og umdømi til ímillum konservativar parlamentslimir, svarar hon nei. Grundina sigur hon vera, at tað hevði strongt hana og familjuna ov nógv.