Magnus Heinason gjørdi bummtúr eftir toski
Vit hava samanborið døgnlistarnar hjá Magnus Heinason við tað teir fingu seinasta ár og tað sær ikki gott út.
Magnus Heinason er júst liðugur við yvirlitstrolingarnar. Teir gera tveir túrar. Ein í mars og ein í august. Á vártúrinum, gera teir umleið 100 tóv á 1 tíma. Í 2018 gjørdu teir 99 tóv og í 2017 89. Hvussu nógv teir hava gjørt í ár ber ikki til at fáa upplýst hesa tíð á døgninum.
Í 2018 góðu 99 tóv
Toskur 32.942 kg
Hýsa 19.697 kg
Upsi 6.158
Hesar vektir eru neyvt vigaðar umborð.
Í ár hevur Magnus Heinason, sambært døgnlistunum fingið
Toskur 15.150 kg.
Hýsa 8.000 kg.
Upsi 4.000 kg.
Frágreiðingin frá túrinum og neyvu vektirnar verða neyvan tøkar fyrr enn um 2-3 vikur.
Sum sæst er munurin sera stórur. Men vit vita ikki um alt verður avreitt og vit vita heldur ikki hvussu nógv tóv teir gjørdu og tí ber ikki so væl til at samanbera.
Harumframt kann viðmerkjast at dagarnir eru sera ójavnir.
Eitt sum vit løgdu merki í er at í frágreiðingini fyri túrin seinasta ár er rokna út relativt millum 89 og 99 tóv. Tað sæst ikki at hædd er tikin fyri um tey hál, sum eru fleiri eru á toskaleið ella ikki.
Í 2018 var túrurin frá 7/3-21/3. Fullmáni í mars 2018 var 2 mars og 30 mars
Í ár var túrurin frá 27/2-18/3 Fullmáni í ár er 19 februar og 21 mars.
Tað er eitt sindur ójavnt um tað er best at fiska í tiltakandi ella avtakandi streymi. sum oftast er tiltakandi streymur betri. Men tað eru eisini økir har avtakandi streymur roynist betri til fiskiskap.
Í sendingini Við Tóri á Túri, hoyrdu vit annars samrøðu við Petur Steingrund, sum visti at siga at fiskurin hevði verið her alla tíðina. Tí má hesin túrurin hjá Magnus Heinason sigast at verða nakað óvæntaður.
Vit kunnu so bara vóna at listarnir vit hava sæð, bara eru partur av veiðuni. Nú í kvøld svarar telefonin ikki á Havstovuni, men vit fara at royna at vita, um vit fáa greiðu á hesum.
Mest lisið í farnu viku
Samband
Heygsvegur 8
490 Strendur