Vindurin minkar, men tað fer at regna
Veðrið frá DMI
Veðurlagið:
Eitt stórt lágtrýstumráði norðanfyri Ísland gevur okkum nógvan vind við ælaveðri. Í dag kemur eitt brúgvalag við regni framvið.
Veðurvánirnar:
Frískur vindur til hvassan vind av útsynningi, 10 til 15 m/s. Tað verður skýggjað við ælaveðri, men møguleiki verður eisini fyri sólglottum. Seinnapartina snarar ættin í sunnan og landsynning, og vindurin minkar niður í gul til frískan vind, 5 til 10 m/s, og tað fer at regna. Í kvøld og í nátt veksur vindurin til andøvsgul til strúk í vindi av útsynningi og vestri, 8 til 13 m/s. Eitt skifti verður uppí hvassan vind, um 15 m/s. Fyrst verður skýggjað við regni, seinni verður skiftandi skýloft og einstøk æl. Hitin fer alt samdøgrið at liggja millum 3 og 8 stig.
Veðrið hósdagin:
Gul til frískan vind av vestri og útsynningi, 5 til 10 m/s, onkrastaðni uppí strúk í vindi, 13 m/s. Tað verður nakað av sól ella sólglottar, men út á dagin verða eisini æl. Fríggjanáttina snarar ættin í landsynning, og tað verður andøvsgul til strúk í vindi, 8 til 13 m/s. Seinni verður hvassur vindur av suðri, 15 m/s. Tað verður skýggjað og regn. Hitin fer alt samdøgrið at liggja millum 1 og 6 stig.
Veðrið fríggjadagin:
Vindurin veksur til strúk í vindi til skrið av útsynningi, 13 til 18 m/s. Seinni snarar ættin í vestan. Fyrst verður skýggjað við regni, men seinni verða sólglottar og æl. Hitin fer at liggja millum 6 og 9 stig. Um kvøldið og leygarnáttina verður strúkur í vindi til skrið av vestri, 13 til 18 m/s við hørðum hvirlum, heilt uppí hvassan storm, 27 til 32 m/s. Tað verður skiftandi skýloft og einstøk æl, sum kunnu verða við vátaslettingi ella heglingi. Hitin fellur niður millum frostmarkið og 3 stig.
Veðrið leygardagin:
Strúkur í vindi til skrið av vestri, 13 til 18 m/s, við hørðum hvirlum, men út á dagin minkar vindurin niður í frískan vind til hvassan vind av vestri og útsynningi, 10 til 15 m/s. Tað verður skiftandi skýloft við ælaveðri, og ælini kunnu vera vátaslettingur ella heglingur. Hitin fer at liggja um 5 stig, um náttina millum 1 og 3 stig.
Veðrið sunnudagin:
Frískur vindur til hvassan vind av vestri, 10 til 15 m/s, sum út á dagin snarar í útnyrðing. Tað verður skiftandi skýloft við ælaveðri, sum kann verða við vátaslettingi ella heglingi. Hitin fer alt samdøgrið at liggja millum 1 og 6 stig.
Veðrið mánadagin:
Vindurin minkar niður í lot til andøvsgul av útnyrðingi, 3 til 8 m/s, seinni verður gul til frískan vind av útsynningi, 5 til 10 m/s. Fyrst verður nakað av sól ella sólglottar og turt fyri tað mesta, seinni verður skýggjað og regn. Hitin fer alt samdøgrið at liggja millum 1 og 6 stig.
Mest lisið í farnu viku
Samband
Heygsvegur 8
490 Strendur