Suðurstreymoyar norðara prestagjald fekk í januar mánaði játtan til eitt embæti afturat. Ein sóknarprestur er frammanundan í prestagjaldinum.

Kirkjuligi myndugleikin metti, at neyðugt var við einum embæti afturat til eitt skjótt vaksandi øki, ið tilsamans telur umleið 4.500 fólk.

Embætið varð lýst leyst at søkja, og á middegi í gjár var umsóknarfreistin úti.

“Fýra umsøkjarar eru til kallið,” skrivar heimasíðan hjá fólkakirkjuni.

Ætlanin er at innstilla komandi sóknarprestin innan tríggjar vikur.