Vágs kommuna er glað fyri at kunna bjóða familjum tvey dygdargóð tilboð tá umræður barnaansing.

Vágs kommuna hevur eina vælvirkandi dagrøkt, sum er ætlað teimum smáu børnunum. Hugsanin er, at tey smáu børnini, upp til áleið 3 ára aldur í størstan mun vera ansaði í heimligum umhvørvi í dagrøktini. Somuleiðis hevur dagrøktin spælistovuna til at hava felagsátøk fyri børnini í. 

Í Vágs kommunu er eisini dagstovnurin Eikilund við vøggustova til tey smáu upp til 3 ár og barnagarðsstovum til tey, sum eru upp til 5 ára gomul. Umstøðurnar til børn við serligum avbjóðingum eru eisini góðar, tí serstova er í Eikilund. Børnini, sum fara í fólkaskúla ganga í dagstovna-stovu í Vágs Skúla.

Vágs kommuna er fegin um, at kunna bjóða eitt gott og mennandi dagstóvnatilboð. 

Viðvíkjandi teimum smæstu børnunum, hevur kommunan lagt dent á, at familjur kunnu velja millum dagrøkt og vøggustovu. Vøggustovan hevur tó avmarkað pláss í mun til dagrøktina, sum lættari fær skapt pláss til øll smábørnini , so vit ikki fáa bíðilistar.

Skrivið tykkum upp í góðari tíð

Fyri skilabest at fáa samskipa flytingina av børnum, tá ið tey vera uml 3 ár, frá dagrøkt til barnagarð, og fyri at barnafamiljur skulu hava størst møguleika at fáa júst tað ansingartilboð tey ynskja, fara vit at heita á familjur um at skriva børnini upp í góðari tíð. So skjótt familjur vita, at teimum fer at tørva ansing er umráðandi at skriva børnini upp. Á henda hátt er størst møguleiki fyri at fáa ynskini uppfylt, og harvið størst nøgdsemi fyri øll.

Leiðarinir í Eikilund og í dagrøktini eru altíð fúsir at svara familjum uppá spurningar, og vegleiða um ansingarpláss. Innskriving av børnum fer fram á heimasíðuni her: http://vagur.fo