Etiska Ráðið fæst við spurningar, ið knýta seg til heilsufakligt virksemi. Etiska ráðið varð stovnað í september 2017, so tey hava ikki verið virkin leingi. 

Í sendingini tosa vit um talgilding í heilsuverkinum, har vit m.a. koma inn á hvørja ávirkan borgarar hava á upplýsingar, sum goyma seg handan p-talið, og tvístøður í samband við, at brúka hjartastartara á gomul fólk. Hetta eru etisk mál, sum Etiska Ráðið hevur havt á skrá síðani tey byrjaðu. Vit hoyra eisini hvat Etiska Ráðið fer at skipa fyri í næstum. Eitt av hesum málum snýr seg um linnandi viðgerð og deyðshjálp, sum er eitt evni ein borgari hevur skotið upp. 

Í sendingini verður tosað við Hildur við Høgadalsá, sum er sjúkrarøktarfrøðingur og forkvinna í Etiska Ráðnum. Spurnartekin verður m.a. sett við peningagríska medisin ídnaðin, sum er høvuðstuðul av granskin innan heilsu, og um tað almanna átti, at havt eftirlit og meiningar um alternativar viðgerðir. 

Annika Bolton Mortensen leggur sendingina til rættis.