Frans pávi stuðlar enn sosialistiska vitugginum Maduro
Bert tann eina dagin, 23. jan, drap løgreglan hjá Maduro 40 fólk, særdi nógv fleiri og handtók 850, ið mótmæltu í gøtunum í Caracas hungri og harðskapi. Orsøkin var, at 1 mió fólk tyrptust í gøtunum í høvuðstaði Venezuela at stuðla valda formanni í tjóðartinginum, 35 ára gamla løgfrøðinginum Juan Guaido.
Heilt óvæntað hoyrdist eitt katólskt pipp frá Frans Páva úr UAE, har Pontifurin hevur gjørt trúaravtalu millum katolisismu og islam við diktatorin í islamska oljustsatinum við Persiaflógvan, Khalifa bin Zayed bin Sultan al Nahyan, Emir.
Pávin beyð sær til at mekla í Venez, tó treytað av, at ikki bert Maduro men eisini mótpartur hansara, Juan Guaido, sum fólkið stuðlar, vildu hava Pávan.
Mekling merkir bert, at Maduro, marxistur og partamaður Pávans heldur fram at pína lívið úr venezuelum. So fær Guaido annan leiklut, tí ein marxistur, antin hann eitur Castro, Kim Jung un ella Maduro, sleppur aldri valdinum.
Munur er á “frælsisteologinum” Frans jesuitti úr Argentina, og tí pávanum, vit yndaðu, Jóannesi Páll II, ið talaði Moskva mitt ímóti á hámessu í Warshawa í juni 1979 fyri 1 mió trúgvandi pólendingum, har pávin lovaði at frígera ikki bert pólendingar, men allar slavar úr fátækra- og trældómi kommunismunar.
Tann dagin byrjaðu fjøtrurnar at detta av íalt 400 mió eysturevropearum, ið flestu høvdu sitið fangar á sosialistiska hungursmarkinum síðan 1917.
Kapitalista- og CO2-hatarin í Vatikaninum hevur ikki mukkað ímóti harðskap-inum í Venezuela, tí hann stuðlar armóðsjavnstøðuni í Venez, 3/4 katolikkar.
Jóannes Páll II stuðlaði eysturevropearum ímóti Moskva, meðan Frans Pávi stuðlar Maduro ímóti venezuelska fólkinum. Nú bjóðar bakbeistið sær at mekla(!), eftir at 3 mió fóllk, 5.000 um dagin, eru flýdd heiman. Maduro hevur stongt vegirnar úr Columbia við bingjubilum, so neyðhjálp ikki nær svong fólk.
Eftir 20 ár við sosialismu hevur fyrr oljuframleiðandi kraftdepilin í Suðuramer-ika mat- og medisintrot, stongd sjúkrahús, sorað infrakervi, 1000-tals fongslað fólk, vaksandi morðtøl og 10 mió % inflatión. Bert hermegi, politi og byrokrati hava arbeiði og fáa løn - ofta í heilivági, vesipappíri, mati o.ø, neyðsyndum.
Øll demokratisk lond stuðla nú demokratiskt valda Guaido. Men Rusland, Kina, Kuba, Turkaland og Bolivia stuðla Maduro. Tað ger Frans pávi eisini.
Mest lisið í farnu viku
Samband
Heygsvegur 8
490 Strendur