Spania tók ímóti 50.000 sjórekum úr Marokko í fjør
Spania fekk nýggja javnaðarstjórn við stuðuli frá Podemos, eitt slag av kommunista- og Tjóðveldi. Sosialistiski formaðurin, Pedro Sanchez, er nú forsætisráðharri, og til at styrkja tann lutfalsliga lítla flokkin (22% í meininga-kanningum), hevur hann sett kvinnur í annan hvønn ráðharrasess.
So skjótt sum vinstrastjórnin fekk valdið í Madrid, øktist talið á afrikanskum og islamskum sjórekum úr Marokko til Spania. Har tekur sjóferðin við hesum skjótu gummiflakunum við 2 páhangsmotorum bert 1-2 tímar.
Nógv videoklipp eru á YouTube, sum vísa hesar stóru gummiflakar floytifullar av ungum monnum sigla upp á spanskar sandstrendur, og upp í 200 afrikanar leypa í land og tuska niðan í býin, har teir biðja um politiskt friðskjól.
Eini 50.000 sjórekar sníktu seg til Spania í fjør. Teir vita, sum er, at ein sosialistisk stjórn sum tann hjá Sanchez arbeiðir av øllum kreftum fyri at fylla Evropa við islamum úr Miðeystri og Afrika.
Flestu bátar við innbrótarum úr Libya sleppa nú ikki til Italia, eftir at høgra-stjórnin hjá Conte og Salvini fekk valdið. Tí hava mannasmuglarar og vestur-lendskir “hjálparfelagskapir” valt sær Marokko og Spania til at smugla fólk.
Muslimskir og afrikanskir mannasmuglarar og evropeiskir “hjálparfelagskapir” býta millum sín miljónirnar, ið sjórekar gjalda smuglarunum fyri óløgligu sjóferðina í lívsvandi. Humanistisk og vinstrahall “bløðandi hjørtu” skulu jú eisini liva, um tað so er av at smugla landastrok ólógliga til Evropa.
Nýggja javnaðarstjórnin hjá Pedro Sanchez hevur gjørt avtalu við Brussel, har ES-leiðarar gjalda Spania fyri at senda ólógligar tilflytarar norður um Pyreneafjøll til Evropa. Merkel rindar Sanchez-stjórnini 7.000 evrur (= 50.000 kr) fyri hvønn afrikanskan muslim, ið rekur upp á land í Suðurspania.
Ein fylgja av hesi mannasmugling er, at ein høgravendur mótmælisflokkur, Vox, fekk 11 limir valdar í landspartatingið í Andalusia fyri jól og fær nú 12% undirtøku í Spania. Hann veksur so skjótt, at hann væntast at fáa minst tað somu umboðan í Tjóðartinginum í Madrid til valið í 2020.
Mest lisið í farnu viku
Samband
Heygsvegur 8
490 Strendur