Meslingar herja í Italia
Tey, ið ikki hava havt meslingar ella eru ikki vaksinerað, tá sjúkan gongur, verða í flestu førum rakt. Hon er ikki deyðilig orsakað av góðum heilivági, men er tó ikki at spæla við. Tað vita øll, ið hava verið løgst við henni.
Í Italia kunngjørdi stjórnin undir Giuseppe Conte neyðstøðu av meslinga farstótt herfyri og segði seg fara at pirka 800.000 italienar, ið eru í vanda.
Hvussu illa meslingar smitta, vita føroyingar frá 1846, tá yvir 7.000 fólk av íalt 8.000 íbúgvum landsins, løgdust við meslingum. 2 danskir læknar komu upp í skundi at basa sjúkuni. Ein teirra var navnframi læknin Panum.
Grundin til, at meslingar raktu nærum 90% av føroyingum í 1846, var, at sjúkan hevði ikki gingið í 60 ár, og tí høvdu bert tey tá elstu havt meslingar sum børn og vóru mótstøðufør. Í Havn doyðu upp í fleiri fólk um dagin í longri tíð.
Ná, men aftur til meslingarnar í Italia. Har hevur borgarliga stjórnin ikki pirkað børn og ung móti meslingum, tí stjórnin helt, at 3-dupult koppseting móti meslingum, fárasjúku og reydlingum (MMR) kann geva børnum autismu.
Í heyst settu italskir læknar seg upp ímóti stjórnini, tí at Italia við bert 8% av øllum íbúgvum í ES átti 25% av øllum meslingatilburðum. Orsøkin var, at bert 91% av italskum børnum vóru MMR-pirkað ímóti teim 95%, ið heimsheilsu-stovnurin WHO krevur til at fyribyrgja hesi altíð hóttandi umfarsjúku.
Mest lisið í farnu viku
Samband
Heygsvegur 8
490 Strendur