ES kallað sendiharran heim úr Tanzania, ið forfylgir samkyndum
Stjórnin í Tanzania hevur lagt sjógv millum seg og landspartaovastan í Dar-es-Salam, tí at hesin, Paul Makonda, álegði løgregluni í høvðustaðnum at sneyta á I-netinum eftir at finna og handtaka praktiserandi samkynd.
Tað er ólógligt í Tanzania sum í fleiri afrikanskum londum, serliga tí samkynd fáa oftari HIV og Aids og smitta víðari. Í fleiri afrikanskum londum eru 30-40% av fólki HIV-positiv og sjúk ella deyð av Aids, so nógv børn eru foreldraleys.
Tá stjórnin í Tanzania drálaði við at seta commiserin upp á pláss og steðga løgregluovastanum, ið handtók mistonkt samkynd, spann øði í Brussel, sum kallaði ES-sendiharran heim fyri at leggja dent á álvaran í málinum.
Stjórnin í Dar-es-Salam skundaði sær at boða Brussel frá, at Paul Makonda, hevði bert lagt síni sjónarmið fram og ikki ætlað ella roynt at sett tey í verk.
Nú man skvatlið í diplomatisku baljuni vera slætnað, og vanligar umstøður ráða á hægsti diplomatiska stigi, so at menningar- og neyðhjálpin úr ES til hesa bananrepublikkina flýtur suðureftir aftur sum altíð síðan 1960-árini, tá Tananzania fekk sjálvstýri, og “ujama”-sosialisman har gjørdi Tanzania til størsta móttakara av vesturlendskari neyðhjálp.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur