Treyst walisisk hjún til gongu fyri lívinum
Ein kona í Wales yvirtalaði sín deyðsjúka mann at fara eina gonguferð so langt sum tey orkaðu. Tey vóru júst blivin húsvill, tí bankin hevði lagt hald á lítla garðin, tey áttu, og henda gonguferð helst fór at vera teirra seinasta stóra uppliving saman, tí maðurin Moth hevði fingið staðfest endaliga heilasótt.
Raynor Winn var 50, tá tey løgdu til brots. Tey gingu eftir "Útsynningsgøtuni" fram við sjónum so langt, sum hugur og heilsan loyvdu tí. Á leiðini prátaðu og hugleiddu tey, og hon skrivaði dagbók, ið er útgivin við heitinum "Saltgøtan".
Bókin er nú sett á stuttlistan til Costa bókmentavirðislønina. Hon hevur longu selt so væl, at hjúnini Raynor og Moth leiga eina hugnaliga smáttu í Cornwall. Tey hava fjakkað har á leiðini, síðan bókin kom út. Heilsan hjá Moth er einki verri enn hon var, tá hann fekk deyðadómin, sum sendi tey bæði út at ganga.
Mest lisið í farnu viku
Samband
Heygsvegur 8
490 Strendur