Hvør heldur tú hevur uppiborið heiðurin sum ársins íverkseti? Hvør hevur víst nýhugsan, áræði og dirvi í árinum sum fór?

Nú kanst tú koma við tínum uppskoti til, hvør tú heldur skal verða ársins íverkseti. Heiðurslønin sum ársins íverkseti verður latin á Ársins Íverksetaradegi tann 3.mai 2019 í Løkshøll.

Øll kunnu koma við tilnevningum. Freistin at koma við tilnevningum er til og við fríggjadagin 26.apríl 2019 og uppskot skulu sendast til Íverksetarahúsið á iverksetan@iverksetan.fo 

Ein dómsnevnd tekur endaliga avgerð. Dentur verður lagdur á, hvør hevur víst nýhugsan, áræði og dirvi.

Ársins Íverksetaradagur er árliga tiltakið hjá Íverksetarahúsinum, sum heiðrar íverksetarar og íverksetan. Í tí sambandi verður ársins íverkseti funnin og latin eina heiðursløn. Á skránni á Ársins Íverksetaradegi verður millum annað fyrileystur við Thor Sigufsson, sum er stovnari av Ocean Cluster í Reykjavík. Ocean Cluster er eitt martimt íverksetarahús har íverksetarar, granskarar og smáar fyritøkur, eru samlaðar fyri at skapa størri virði innan martimu vinnuna.

Endaliga skráin fyri Ársins Íverksetaradag verður lýst seinni.